ولاردىڭ يگىلىكتى ىسىنە وبلىس ورتالىعىنداعى «سانجار», «كوكشە سۋسىندارى», «ناتۋرپرودۋكت» جانە «ستەكلو تسەنتر كوكشە» سەرىكتەستىكتەرى كومەك كورسەتۋدە.
– ازىرگە ءبىز 120 وتباسىنا ازىق-ت ۇلىك جەتكىزدىك. ءبىر-بىرىمىزگە جۇرەك جىلۋىن توگىپ, قولعابىسىمىزدى تيگىزبەسەك بولا ما؟ كومەككە ءزارۋ جاندار بارشىلىق. ولاردىڭ باسىم كوپشىلىگى قۇرت اۋرۋىنا شالدىققاندار مەن امبۋلاتوريالىق ەم-دوم قابىلداۋشىلار. سونىمەن قاتار, كوپبالالى وتباسىلار مەن ەڭبەك ارداگەرلەرىن دە ۇمىت قالدىرمايمىز,–دەيدى «قىزىل جارتى اي» قوعامى وبلىستىق فيليالىنىڭ ديرەكتورى اسحات ءۋايىسوۆ.
قيىندىقتى ەل بولىپ قانا ەڭسەرە الامىز دەپ تۇيسىنگەن «كوكشە ترەيد» سەرىكتەستىگىنىڭ وكىلى سۆەتلانا پروديۋستىڭ ايتۋىنا قاراعاندا كوكشەتاۋلىق كاسىپكەرلەر «قىزىل جارتى اي» قوعامى كوتەرگەن باستاماعا قىزۋ قولداۋ ءبىلدىرىپ وتىر.
قازىرگى تاڭدا سوزىلمالى سىرقاتى بار ادامدار دا كومەك-قولداۋعا ءزارۋ. قوعامنىڭ قامقورلىعىن كورگەن ادامدار جاناشىر جاندارعا ءوز ريزاشىلىقتارىن ءبىلدىرىپ وتىر. «قىزىل جارتى اي» قوعامى ازىرلەگەن الەۋمەتتىك قورجىنعا ەڭ قاجەتتى دەگەن ازىق-ت ۇلىكتەر كىرەدى. سالماعى 10 كەلى. اتاپ ايتقاندا, كۇرىش, قاراقۇمىق, ۇن, ماكارون, بۇقتىرىلعان ەت, سۇيىق ماي, نان جانە شاي. ەرىكتىلەر ازىق-ت ۇلىكتى ەسىك الدىنا دەيىن ونلاين-جەتكىزۋ قىزمەتىن جۇزەگە اسىرۋدا.
