«كارانتين جاعدايىندا تۋ تۋرالى كۋالىكتى قالاي الۋعا بولادى؟», «قايتىس بولۋ تۋرالى كۋالىكتى قالاي راسىمدەۋگە بولادى؟», «كارانتين كەزىندە جاڭا جەكە كۋالىگىن نەمەسە جۇرگىزۋشى كۋالىگىن الۋعا بولا ما؟», «زەينەتكەرلىك جاسىم كەلۋىنە بايلانىستى زەينەتاقىمدى قالاي راسىمدەيمىن؟», «جەكە كۋالىگىمنىڭ مەرزىمى ءبىتتى, الەۋمەتتىك تولەمدەردى الا الامىن با؟» دەگەن سۇراقتار وقىرمانداردان كوپتەپ ءتۇسىپ جاتىر.
وسى سۇراقتارعا جاۋاپ الۋ ءۇشىن «ازاماتتارعا ارنالعان ۇكىمەت» مەمەلەكەتتىك كورپوراتسياسى» كەاق الماتى قالالىق فيليالىنىڭ ءباسپاسوز قىزمەتىنىڭ باسشىسى جاڭىل اپەتوۆاعا حابارلاسقان ەدىك.
– بۇگىن مەملەكەتتىك قىزمەتتىڭ باسىم بولىگىن ونلاين الۋعا بولاتىنىن ءاربىر تۇرعىن بىلەدى. بىراق بۇرىن ەلەكتروندىق ۇكىمەتپەن قاتار حقو دا جۇمىس ىستەگەن ەدى. بارلىق ماسەلەلەلەرىمەن جانە قيىندىقتارىمەن ادامدار سول جەرگە كەلىپ جۇگىنەتىن. قازىر ونداي مۇمكىندىك جوق. سوندىقتان بارلىعى egov.kz پورتالىنان قىزمەت الۋدى شۇعىل تۇردە يگەرۋدە. جۇيە جۇمىسىنىڭ قىر-سىرىن ۇيرەنۋ ءۇشىن ازاماتتارعا قايدا جۇگىنۋ قاجەت؟
– ەلىمىزدە قىزمەت الۋشىلاردىڭ ماسەلەلەرىن جەدەل شەشۋ ماقساتىندا ارنايى Call-ورتالىعى اشىلعان بولاتىن. اتالعان ورتالىق 1414 ءنومىرى بويىنشا ازاماتتاردىڭ قوڭىراۋلارىن قابىلدايدى. قازىرگى تاڭدا 2,5 مىڭ فرونت-وفيس وپەراتورى تەلەفون ارقىلى كەڭەس بەرۋدى ۇيرەندى. الماتى قالاسى بويىنشا 150-دەن استام فيليال قىزمەتكەرى تۇرعىنداردىڭ ونلاين قىزمەت الۋ بويىنشا ماسەلەلەرىن شۇعىل شەشۋگە كومەكتەسۋدە.
– قىزمەتتەردىڭ باسىم بولىگىن ەلەكتروندىق ۇكىمەت پورتالىنان ەسق ارقىلى عانا الۋعا بولادى. ادامنىڭ ەلەكتروندى تسيفرلىق قولتاڭباسى جوق بولعان جاعدايدا نە ىستەۋ كەرەك؟
– ەسق-نى ۇيدەن شىقپاي-اق الۋعا بولادى. بۇل جاعداي ازاماتتار توتەنشە جاعداي كەزىندە حقو-عا بارماي-اق الۋى ءۇشىن جاسالدى. ەسق الۋشىنى سايكەستەندىرىپ, ازاماتتى راستاۋ ءۇشىن فوتو (سەلفي) جاساۋ كەرەك بولادى جانە ءوزىنىڭ جەكە كۋالىگىن جۇكتەپ, ۆيدەو بايلانىس ارقىلى قوسىلعان حقو قىزمەتكەرىنىڭ بىرنەشە سۇراعىنا جاۋاپ بەرۋ كەرەك. جاقىندا زاڭدى تۇلعالارعا دا ەتسق-نى ونلاين الۋ مۇمكىندىگى ىسكە قوسىلدى.
– ونلاين رەجيمىندە ەتسق قالاي الۋعا بولاتىندىعى تۋرالى ارنايى نۇسقاۋلىق ازىرلەنگەن. جۇزەگە اسىراتىن ءىس-ارەكەتتەر الگوروتيمىن egov.kz پورتالىندا تولىعىراق جازىلعان. بۇل تاقىرىپقا ارنايى ۇيرەتۋ بەينەروليكتەر دە بار. بار بولعانى egov.kz پورتالىنا كىرىپ, «ەتسق قاشىقتىقتان الۋ» بولىمىنە ءوتۋ قاجەت. ارى قاراي نۇسقاۋلىق بويىنشا ءىس-ارەكەت جاسايسىز. ول ءۇشىن: ۆەب-كامەراسى بار جانە عالامتورعا قوسىلعان كومپيۋتەر, تەلەفون قاجەت.
زاڭدى تۇلعالارعا ەتسق الۋ مىسالىن كەلتىرە كەيتەيىن.
زاڭدى تۇلعالارعا ارنالعان ونلاين ەتسق.
ەgov.kz سايتىنا كىرىپ, «ەتسق قاشىقتىقتان الۋ» بولىمىنە ءوتۋ قاجەت نەمەسە https://egov.kz/cms/ru/services/pass_onlineecp (https://egov.kz/cms/ru/services/pass_onlineecp) سىلتەمەسى ارقىلى وتۋگە بولادى.
زاڭدى تۇلعاعا ەتسق الۋ ءۇشىن:
- قازاقستاننىڭازاماتى بولۋ;
- ۆەب-كامەراسى مەن عالامتورى بار نوۋتبۋك نەمەسە كومپيۋتەرى بولۋ;
- ەتسق قولدانۋ ءۇشىن كومپيۋتەرگە NCAlayer باعدارلاماسىن ورناتۋ;
- وزىڭىزبەن بىرگە جەكە كۋالىكتىڭ تۇپنۇسقاسى جانە ساپالى فوتو كوشىرمەسى بولۋى شارت.
ەتسق-نى ونلاين الۋ قىزمەتى
- «قىزمەتتى ونلاين الۋ» تەتىگىن باساسىز;
- «زاڭدى تۇلعا» بەلگىسىن تاڭدايسىز;
- ارى قاراي وزىڭىزگە قاجەت شابلوندى تاباسىز;
- ەگەر ءسىز فيرمانىڭ ءبىرىنشى جەتەكشىسى بولساڭىز, وندا فيرمانىڭ بسن ەنگىزۋ كەرەك;
- ەگەر ءسىز قول قويۋ قۇقىعى بار قىزمەتكەر بولساڭىز, وندا قوسىمشا ءسىزدىڭ جسن ەنگىزۋ قاجەت بولادى.
- وسىدان كەيىن ء«وتىنىش جىبەرۋ» حابارلاماسى شىعادى.
ءموبيلدى ازاماتتار بازاسىندا (ماب) تىركەلمەگەن جاعدايدا
- پاراقشانىڭ تومەنگى وڭ جاق بولىگىندە ورنالاسقان «Kenes» ۆيرتۋالدى اسسيستەنتكە باسىپ, ءتىل تاڭدايسىز;
- اسسيستەنتتىڭ تومەنگى پانەلىندە ورنالاسقان ۆيدەوكامەرا سۋرەتىنە جانە «ۆيدەوقوڭىراۋ» تەتىگىنە باساسىز;
- ۆيدەوقوڭىراۋدى قابىلداعان سوڭ وپەراتور سىزدەن جەكە كۋالىگىڭىزدى كورسەتۋدى, جسن, تەلەفون ءنومىرى مەن SMS-كود سۇرايدى;
- ماب ءساتتى تىركەلگەننەن سوڭ, ەgov.kz پورتالىنداعى پاراقشانى جاڭارتۋ قاجەت;
- قايتالاپ بسن (ەگەر ءسىز ءبىرىنشى جەتەكشى بولماساڭىز جسن), سونىمەن قاتار ءبىر رەتتىك قۇپيا ءسوزدى ەنگىزۋ قاجەت.
ەگەر ءسىز ءموبيلدى ازاماتتار بازاسىندا تىركەلىپ قويعان بولساڭىز:
- ءسىزدىڭ تەلەفونىڭىزعا 1414 نومىرىنەن ءبىر رەتتىك قۇپيا سوزبەن SMS حابارلاما كەلەدى, سىزگە ونى ەنگىزۋ قاجەت بولادى;
- ارى قاراي ءسىز ەتسق الۋعا وتەسىز. قاشىقتىقتان سايكەستەندىرۋ پاراقشاسى اشىلادى.
3.(https://egov.kz/%E2%80%A6/novaya_instrukciya_na_egov_po_udalennoy_i%E2%80%A6) سىلتەمەسى ارقىلى وتەمىز.
- تۇلعانى فوتو جانە ۆيدەو ارقىلى راستاۋ كەرەك (8 دەن 21 دەيىنگى تارماقتاردى قاراۋ قاجەت, 4-9 بەتتەر).
- قولدانۋكەلىسىمىمەنتانىسىپ, ونى راستاۋكەرەكبولادى;
- ءوتىنىش بەرۋ فورماسىنا ەلەكتروندى پوچتانى كورسەتۋ كەرەك.
– مەملەكەتتىك ورگاندارعا ونلاين جۇگىنۋگە بولادى دەيدى. ونىڭ ءتارتىبى قالاي؟
– يا, ەگەر ءسىز ءوزىڭىزدىڭ ۇسىنىسىڭىزدى نەمەسە ءوتىنىشىڭىزدى مەملەكەتتىك ورگاندارعا جىبەرگىڭىز كەلسە ەلەكتروندى ۇكىمەت پورتالىنان ونلاين جولداۋعا بولادى.
ول ءۇشىن:
- پورتالاعا كىرۋ كەرەك;
- «ەلەكتروندى جۇگىنۋ» قىزمەتىن تاڭدايسىز;
- ۇسىنىلعان فيرمانى تولتىرۋ قاجەت;
- ەسق راستايسىز;
- مەملكەتتىك ورگانعا جولدايسىز.
ءوتىنىشىڭ جاعدايىن جەكە كابينەتتەن انىقتاي الاسىز. بۇل جەردە ءسىز مەملەكەتتىك ورگانعا جەتكەندىگى تۋرالى حابارلامادان باستاپ وتىنىشكە بەرىلگەن دايىن جاۋاپقا دەيىن قۇجاتتىڭ بارلىق پروتسەسىن باقىلاي الاسىز.
وتىنىشكە بەرىلەتىن جاۋاپتىڭ مەرزىمدەرى ماسەلەنىڭ كۇردەلىلىگىنە بايلانىستى بولادى. قوسىمشا انىقتاۋلار مەن تەكسەرىستەردى قاجەت ەتكەن جاعدايدا, قاراستىرۋ مەرزىمى وتىز كۇنتىزبەلىك كۇنگە دەيىن ۇزارتىلۋى مۇمكىن, ول تۋرالى جەكە كابينەتكە قوسىمشا حابارلاما جىبەرىلەتىن بولادى.
– مىسالى ادامنىڭ جەكە كۋالىگىنىڭ مەرزىمى اياقتالدى. قۇجاتتى تج كەزىندە اۋىستىرۋعا بولادى ما؟
– ەگەر جەكە كۋالىكتىڭ ەسكى نۇسقاسىنىڭ جارامدىلىق مەرزىمى اياقتالعان جاعدايدا (چيپسىز), وندا ەلەكتروندىق پورتال ارقىلى اۋىستىرۋعا بولادى. ول ءۇشىن سايتتا تىركەلىپ, «ازاماتتىق, كوشى-قون جانە يمميگراتسيا» بولىمىنە ءوتۋ قاجەت بولادى, ارى قاراي «قر پاسپورتى جانە جەكە كۋالىگى» بولىمىنە وتەسىز دە, «قىزمەتتى ونلاين الۋ» تەتىگىن باساسىز.
كەيىن, ءوتىنىشتى تولتىرىپ, ەتسق راستاۋ كەرەك. وتىنىشكە:
- سۋرەت;
- قولتاڭبا ۇلگىسىن تىركەيسىز.
ودان سوڭ, ەلەكتروندى ۇكىمەتتىڭ تولەمدەر شليۋزى پاراقشاسىنداعى «تولەۋ» تەتىگىن باسىپ, تولەم جاسايسىز.
جەكە كابينەتتە (قىزمەتتەردى الۋ تاريحى) ءسىزدىڭ ءوتىنىشىڭىزدى وڭدەۋ شارتتارى تۋرالى حابارلامامەن تانىسۋ قاجەت بولادى, ول كورسەتىلگەن ۋاقىت ىشىندە كەلىپ تۇسەدى.
بىراق ەستەرىڭىزدە بولسىن, بۇل قىزمەتتى تەك قانا ءچيپسىز قۇجاتتى جاڭا ۇلگىدەگى قۇجاتقا اۋىستىرعان جاعدايدا عانا الۋعا بولادى. باسقا جاعدايدا ەلىمىزدەگى تج كەزىندە قىزمەتتى الۋعا مۇمكىندىك جوق. توتەنشە جاعداي مەرزىمى اياقتالعانىن كۇتۋ كەرەك, تەك سودان كەيىن عانا جاڭا قۇجاتتى راسىمدەي الاسىز. تج كەزىندە مەرزىمى ءوتىپ كەتكەن جاعدايدا ايىپپۇل سالىنبايدى.
– تۋ تۋرالى كۋالىكتى قالاي راسىمدەۋگە بولادى؟
– بالانىڭ تۋىلعانىن تىركەۋ ءۇشىن مىنا ءىس-ارەكەتتەردى جاساۋ كەرەك:
ەgov.kz ء–تىڭ باستى پاراقشاسى > «ازاماتتارعا» ءبولىمى > «وتباسى» ءبولىمى > «وتباسىلىق جاعدايى» > «بالانىڭ تۋىلعانىن تىركەۋ, سونىمەن قاتار ازاماتتىق جاعدايى اكتىسى جازبالارىنا تولىقتىرۋلار, قوسىمشالار مەن وزگەرىستەر ەنگىزۋ».
ودان كەيىن:
– «قىزمەتتەردى ونلاين الۋ» تەتىگىن باسۋ;
– ءوتىنىشتى تولتىرىپ, ونى ەسق-مەن راستاۋ كەرەك (ەسق), نەمەسە سمس-ءپارولى ارقىلى (ول ءۇشىن تۋىلعانى جونىندەگى مەديتسينالىق انىقتامانىڭ سكانەرلەنگەن نۇسقاسى قاجەت);
– جەكە كابينەتتە («قىزمەتتەردى الۋ تاريحى» بولىمىندە) ءسىزدىڭ ءوتىنىشىڭىزدى وڭدەۋ جاعدايى تۋرالى حابارلامامەن تانىسۋ قاجەت;
– دايىن قۇجاتتى الۋعا وسى حابارلامادا كورسەتىلگەن مەرزىمدە تج كەزىندەگى قۇجاتتاردى بەرۋ تەرەزەسىنە بارۋ كەرەك. تج كەزىندە جاندوسوۆ كوشەسى, 51 مەكەن-جايىندا ورنالاسقان اۋەزوۆ اۋداندىق حقو جۇمىس ىستەۋدە. وزىڭىزبەن بىرگە: بالانىڭ تۋىلۋ تۋرالى مەديتسينالىق انىقتاما, نەكەنى قيۋ تۋرالى كۋالىك, اتا-اناسىنىڭ جەكە كۋالىكتەرى بولۋى شارت.
– جۇكتىلىك پەن بوسانۋعا بايلانىستى تولەماقىنى ونلاين راسىمدەۋگە بولا ما؟
– بولادى. ول ءۇشىن «ەلەكتروندى ۇكىمەت» پورتالىنا كىرىپ, «الەۋمەتتىك قامتاماسىز ەتۋ» ءبولىمىن تاڭدايسىز, كەيىن, «وتباسىلارعا كومەك» – «الەۋمەتتىك قاۋىپتەرگە بايلانىستى الەۋمەتتىك تولەمدەردى تاعايىنداۋ: ەڭبەككە قابىلەتتىلىكتى جوعالتۋ, اسىراۋشىدان ايىرىلۋ, جۇمىستى جوعالتۋ, جۇكتىلىك پەن بوسانۋعا, جاڭا تۋىلعان بالانى اسىراپ الۋعا, ءبىر جاسقا جەتكەنگە دەيىن بالاعا قاراۋعا بايلانىستى تابىستان ايىرىلۋ» تاڭدايسىز.
ارى قاراي, «قىزمەتتى ونلاين الۋ» تەتىگىن باساسىز. كەيىن جۇكتىلىك پەن بوسانۋعا, جاڭا تۋىلعان بالانى اسىراپ الۋعا, ءبىر جاسقا جەتكەنگە دەيىن بالاعا قاراۋعا بايلانىستى تابىستان ايىرىلۋ تۋرالى ۋاقىتشا ەڭبەككە قابىلەتسىزدىك قاعازىن; بانكتىك وپەراتسيالاردىڭ جەكە تۇرلەرىن جۇزەگە اسىراتىن بانكتار نەمەسە ۇيىمداردا اشىلعان بانك شوتىنىڭ ءنومىرى تۋرالى قاعازدى نەمەسە تۇزەتۋ جاسايتىن مەكەمەلەردەگى قارجىنى باقىلاۋ شوتىن تىركەيسىز. ودان كەيىن ءوتىنىشتى تولتىرىپ, ەتسق-مەن راستاۋ عانا قالادى.
«جەكە كابينەتتە» («قىزمەت الۋ تاريحى» بولىمىندە) ءوتىنىشىڭىزدىڭ وڭدەلۋ جاعدايى تۋرالى حابارلامامەن تانىسۋعا بولادى, ول كورسەتىلگەن مەرزىم ىشىندە كەلىپ تۇسەدى.
– قايتىس بولعانى تۋرالى كۋالىكتى ونلاين راسىمدەۋگە بولادى ما؟
– ءيا, بولادى. ول ءۇشىن egov.kz پورتالا كىرىپ «باستى» > «ازاماتتارعا» > «وتباسى» > «وتباسىلىق جاعداي» > «ادامنىڭ قايتىس بولعانىن تىركەۋ, سونىمەن قاتار ازاماتتىق جاعداي اكتىسى جازبالارىنا وزگەرتۋلەر, قوسىمشالار مەن تولىقتىرۋلار ەنگىزۋ». كەيىن: «قىزمەتتى ونلاين الۋ» تەتىگىن باسۋ قاجەت;
– ءوتىنىشتى تولتىرىپ, تۋىستىق قاتىناسى تۋرالى قۇجاتتاردى تىركەۋ كەرەك جانە ونى ەلەكتروندىق تسيفرلىق قولتاڭبامەن راستايسىز;
– دايىن قۇجاتتى الۋعا وسى حابارلامادا كورسەتىلگەن مەرزىمدە تج كەزىندەگى قۇجاتتاردى بەرۋ تەرەزەسىنە بارۋ كەرەك. (تج كەزىندە جاندوسوۆ كوشەسى, 51 مەكەنجايىندا ورنالاسقان اۋەزوۆ اۋداندىق حقو جۇمىس ىستەۋدە), وزىڭىزبەن بىرگە قۇجاتتاردىڭ تۇپنۇسقاسى بولۋى شارت.
– ەگەر ادام كارانتين مەن تج رەجيمىن ەنگىزۋ كەزىندە كولىك ساتىلعان (ساتىپ الىنعان) بولسا قۇجاتتاردى قالاي تىركەۋ كەرەك؟
ول ءۇشىن:
- ەgov.kz پورتالىناكىرىپ, «قىزمەتتى ونلاين الۋ» تەتىگىنباساسىز;
- ءوتىنىشتىتولتىرىپ, كولىكتىساتىپالۋشىنىڭ جسن ەنگىزەسىز;
- ءوتىنىشتى ەسق-مەن (ەتسپ) راستايسىز;
- ساتىپالۋشىراستاۋكەرەك;
- جەكە كابينەتتە كورسەتىلگەن قىزمەتتىڭ ناتيجەسىمەن تانىسا الاسىز.
ەgov.kz پورتالىندا ءوتىنىشتى كەلىسۋ مەن مەملەكەتتىك باج سالىعىن تولەۋ ءۇشىن اۆتوترانسپورتتى ساتىپ الۋشىدا مىندەتتى تۇردە ەسق بولۋى قاجەت ەكەندىگىن ەستە ساقتاۋ كەرەك.
ارى قاراي ماماندىرىلعان حقو كولىكتىڭ تىركەلۋى تۋرالى جاڭا كۋالىك پەن ءنومىردى الۋعا بارۋ كەرەك بولادى. حابارلامادا كورسەتىلگەن مەرزىمدە الماتى قالاسى, مايلين كوشەسى,85 مەكەنجايىنداعى, تج كەزىندەگى دايىن قۇجاتتاردى بەرەتىن №2 مامانداندىرىلعان حقو-عا بارۋ كەرەك. جۇمىس ۋاقىتى تاڭعى 9.00-دەن 17.00-گە دەيىن, سەنبى كۇنى 9.00-دەن 14.00-گە دەيىن جۇمىس ىستەيدى. وزىڭىزبەن بىرگە مەملەكەتتىك باج سالىعى مەن الىمداردىڭ تولەنگەنى تۋرالى تۇبىرتەك, ترانسپورتتى تىرەكۋ اكتىسى, ەلەكتروندى كەلىسىمنىڭ قاعاز جۇزىندەگى نۇسقاسى جانە ەسكى ءنومىر مەن تەحپاسپورت بولۋى كەرەك.
ناتيجەسىندە ءسىز كولىكتى تىركەۋ تۋرالى كۋالىك پەن جاڭا ءنومىر الاسىز.
ايتقانداي, ءوتىنىش بەرگەندە دايىن قۇجاتتاردى پوشتا ارقىلى ۇيگە جەتكىزۋگە دە تاپسىرىس بەرە الاسىز. ول كەزدە, ماماندىرىلعان حقو-عا بارۋدىڭ قاجەتى بولمايدى.
ەگەر ساتۋشى مەن ساتىپ الۋشى باسقا قالادا نەمەسە باسقا ەلدە بولسا قىزمەتتى پايدالانۋ وتە ءتيىمدى.
– كەيبىر ازاماتتاردىڭ زەينەتاقى راسىمدەۋ ۋاقىتى توتەنشە جاعداي ۋاقىتىنا تۇسپا-تۇس كەلىپ جاتىر. كورپشىلىگى انىقتامالار مەن قۇجاتتاردى جيناپ قويعان. ەندى اتالعان قىزمەتتى ونلاين راسىمدەۋگە بولا ما؟
– ءيا, ەگەر قۇجاتتارى جينالىپ دايىن تۇرسا, راسىمدەۋگە بولادى. ول ءۇشىن ەلەكتروندىق ۇكىمەت پورتالىنا كىرۋ كەرەك بولادى. كەيىن كەزەك بويىنشا «ازاماتتارعا» > «الەۋمەتتىك قامتاماسىز ەتۋ» > «زەينەتاقىلىق قامتاماسىز ەتۋ» > «جاسى كەلۋىنە بايلانىستى زەينەتاقى تاعايىنداۋ» بولىمدەرىنە كەزەپەن كىرۋ كەرەك. سوسىن
– «قىزمەتتى ونلاين الۋ» تەتىگىن باسۋ كەرەك;
– ءوتىنىشتى تولتىرىپ, بانك شوتى ءنومىرى تۋرالى قۇجاتتى تىرەۋ; ءوتىنىش بەرۋشىنىڭ ەڭبەك ءوتىلىن راستايتىن قۇجاتتار (ەڭبەك كىتاپشاسى, ارحيۆتىك مەكەمەلەردەن نەمەسە جۇمىس ورنىنان انىقتاما كەرەك, ەگەر قىزمەتى تۋرالى جازبالار ەنگىزىلمەسە نەمەسە وزگەرىستەر بولسا).
- ءوتىنىشتى ەلەكتروندىق قولتاڭبامەن راستاۋ.
قىزمەتتى ونلاين الماستان بۇرىن بارلىق قۇجاتتاردى مىندەتتى تۇردە «ازاماتتارعا ارنالعان ۇكىمەتتىڭ» مامانى تەكسەرۋى قاجەت. ەگەر ءسىز مۇنداي تەكسەرۋدى كارانتين ەنگىزىلگەننەن بۇرىن ءوتىپ قويساڭىز, وندا قىزمەتتى ونلاين راسىمدەي بەرسەڭىز بولادى. ەگەر قۇجاتتارىڭىز تەكسەرىلمەگەن بولسا, كارانتين مەرزىمى اياقتالعانعا دەيىن جانە حقو جۇمىسىنىڭ باستالۋىن كۇتۋگە تۋرا كەلەدى.
قازىرگى تاڭدا ەلەكتروندىق ۇكىمەت پورتالى ارقىلى ونلاين قىزمەتتەردى الاتىنداردىڭ سانى كۇرت ءوستى. جۇيەگە دە ايتارلىقتاي جۇكتەمەلەر ارتتى, بۇنىڭ ءبارى پورتال پاراقشالارىنىڭ اشىلۋ جىلدامدىعىنا اسەرىن تيگىزۋدە. ۋاقىتشا ىڭعايسىزدىقتارعا تۇسىنىستىكپەن قاراۋلارىڭىزدى سۇرايمىز. «ازاماتتارعا ارنالعان ۇكىمەت» مك» كەاق ۇيدەن شىقپاي, ەلەكتروندىق ۇكىمەت پورتالىن پايدالانۋ ارقىلى مەملەكەتتىك قىزمەتتەردى ونلاين الۋعا بارلىق جاعدايدى جاساۋدا.
قىزمەتتەردى ونلاين الۋ ارقىلى ءبىز ءوزىمىزدى جانە جاقىندارىمىزدى قورعاپ, ورتاق قاۋىپسىزدىككە ءوز ۇلەسىمىزدى قوسامىز.
الماتى
