«پوليتسيا مەن اسكەرلەر بىرلەسىپ, تاۋلىك بويى پاترۋلدەۋدە, ازاماتتارمەن الدىن الۋ جۇمىستارى جۇرگىزىلىپ جاتىر. پلانشەتتەرگە جاياۋ جۇرگىنشىلەر مەن كولىكتەردىڭ ءۇي-جۇمىس قوزعالىس باعدارلارى ەنگىزىلۋدە. جالپى العاندا كارانتين كەزىندە قىلمىس سانى 34 پايىزعا, اسا اۋىر قىلمىس 43 پايىزعا تومەندەدى. ونىڭ ىشىندە ۇرلىق, بۇزاقىلىق قىلمىستار سانى ازايدى. جول-كولىك وقيعاسى سانى 76 پايىزعا, زارداپ شەككەندەر 72 پايىزعا تومەندەدى. جول قوزعالىس ەرەجەسىن بۇزعاندار 67 پايىزعا ازايدى» دەدى ەرجان سادەنوۆ.
ەرجان سادەنوۆتىڭ ايتۋىنشا, كەيبىر ازاماتتار ايتىلعان ەسكەرتۋلەرگە قۇلاق اسپاي كارانتين رەجىمىن بۇزۋدا.
ء«تۇرلى قۇقىق بۇزۋشىلىق ءۇشىن پوليتسيا بولىمدەرىنە 2 838 ادام جەتكىزىلدى. ونىڭ ىشىندە 1 770 ادام اكىمشىلىك جاۋاپكەرشىلىككە تارتىلدى. قاماۋعا الىنعاندار - 166, ايىپپۇل سالىنعاندار - 1 126, ەسكەرتۋ العاندار - 408 ادام, ال سوت قاراۋىندا 70 ماتەريال بار. اكىمدىكتىڭ كوممۋنالدىق تۇراعىنا 588 اۆتوكولىك قويىلدى. 36 جۇرگىزۋشى ماس كۇيىندە ۇستالىپ, جۇرگىزۋشى قۇقىعىنان ايىرىلدى. 67 جاياۋ جۇرگىنشىگە ايىپپۇل سالىندى, 135 ادام اكىمشىلىك قاماۋعا الىندى» دەدى ول.
