16 وڭىردە وڭ ديناميكا بايقالادى. ولاردىڭ ىشىندە قاراعاندى (150,8%), باتىس قازاقستان (122,9%), اتىراۋ (119,3%), تۇركىستان (118,5%) جانە اقمولا (117%) وبلىستارى كوش باسىندا كەلەدى. تەك قىزىلوردا وبلىسىندا كورسەتكىشتىڭ تومەندەۋى بايقالادى.
تۇرعىن ءۇي قۇرىلىسى بويىنشا 2020 جىلدىڭ ءبىرىنشى توقسان قورىتىندىسىندا 2 ملن 642 مىڭ شارشى مەتر تۇرعىن ءۇي پايدالانۋعا بەرىلدى. ول 2019 جىلدىڭ ۇقساس كەزەڭىمەن سالىستىرعاندا 96,4%-دى قۇرادى. جىلدىق جوسپاردىڭ ورىندالۋى 18,7%-دى قۇرادى (جوسپار 14,1 ملن شارشى مەتر).
رەسپۋبليكا بويىنشا بارلىعى 21 مىڭنان استام باسپانا پايدالانۋعا بەرىلدى, ونىڭ ىشىندە 10 مىڭعا جۋىعى - جەكە تۇرعىن ۇيلەر.
تۇرعىن ءۇيدى پايدالانۋعا بەرۋ كولەمىنىڭ ۇلعايۋى وتكەن جىلمەن سالىستىرعاندا رەسپۋبليكانىڭ 12 وڭىردە بايقالادى. كوشباسشى وڭىرلەر: الماتى (120,9%), جامبىل (120,6%), قاراعاندى (107%), پاۆلودار (105,8%) جانە قوستاناي (105,4%) وبلىستارى جانە نۇر-سۇلتان قالاسى (108,8%).
تۇرعىن ءۇيدى پايدالانۋعا بەرۋ قارقىنى 5 وڭىردە تومەندەدى: باتىس قازاقستان (57,5%), اتىراۋ (66,6%), تۇركىستان (76,5%) جانە ماڭعىستاۋ (94,7%) وبلىستارىندا جانە شىمكەنت (24,3%) قالاسىندا.
جالپى, جىل قورىتىندىسى بويىنشا مينيسترلىك جەتەكشىلىك ەتەتىن بارلىق سالالاردا ناقتى كولەم يندەكسىنىڭ جوسپارلى كورستەكىشتەرىنە قول جەتكىزىلەدى دەپ بولجانىپ وتىر.
