«مەملەكەتتىك بيۋدجەت كىرىستەرى ەسەبىنىڭ جوسپارى 89,9%-عا, ونىڭ ىشىندە رەسپۋبليكالىق كىرىستەر 78,8 %-عا, جەرگىلىكتى بيۋدجەتتەر 121,4 %-عا ورىندالدى. وتكەن جىلدىڭ ۇقساس كەزەڭىمەن سالىستىرعاندا مەملەكەتتىك بيۋدجەت كىرىستەرىنىڭ ءوسۋ قارقىنى 101,2 %-دى, جەرگىلىكتى بيۋدجەت 103,1%-دى قۇرادى», دەدى ءاليحان سمايىلوۆ.
ونىڭ ايتۋىنشا, كوروناۆيرۋس ەپيدەمياسىنىڭ تارالۋى يمپورتقا سالىناتىن قوسىمشا قۇن سالىعىنىڭ كولەمىنە تەرىس اسەرىن تيگىزۋدە.
ء«ۇشىنشى ەلدەردەن اكەلىنەتىن يمپورت كولەمىنىڭ قىسقارۋىنا بايلانىستى 11,4 مىڭ سالىق تولەۋشىلەردەن سالىق تۇسىمدەرىنىڭ كولەمى 49,1 ملرد تەڭگەگە ازايدى. بۇدان باسقا ەسەپتى كەزەڭدە قىتايدان كەلەتىن اۆتوكولىك قۇرالدارىنىڭ سانى 29%-عا ازايدى. سىرتقى نارىقتا نەگىزگى ەكسپورتتىق پوزيتسيالار بويىنشا باعالاردىڭ تومەندەۋى بايقالادى. اتاپ ايتار بولساق, شيكى مۇنايدىڭ 22 %-عا, مىرىشتىڭ 21 %-عا, مىستىڭ 9%-عا, اليۋميني 10 %-عا, قورعاسىننىڭ 10 %-عا تومەندەۋى كورپوراتيۆتىك تابىس سالىعىنىڭ ازايۋىنا اسەرىن تيگىزدى», دەدى ول.
