پرەزيدەنت قاسىم-جومارت توقاەۆ 10 ساۋىردە توتەنشە جاعداي رەجىمى ايدىڭ اياعىنا دەيىن ۇزارتىلعانىن مالىمدەدى. مەملەكەت باسشىسى جۇمىسسىز وتىرعانداردى قولداۋعا ەرەكشە ءمان بەرىپ, توتەنشە جاعدايدا تاعايىندالعان الەۋمەتتىك تولەمنىڭ ءتيىمدى ءارى قاۋىپسىز ۇلەستىرىلۋىن ناقتىلاپ تاپسىردى. بۇعان قوسا ىندەتتەن كەيىنگى كەزەڭنىڭ جوسپارلى ىستەرىن قاپەردە ۇستاپ, «جۇمىسپەن قامتۋدىڭ جول كارتاسى» باعدارلاماسىنىڭ ساپالى ورىندالۋىن ءسوز ەتتى.
كوپتەگەن جۇمىس ورنىن قۇرىپ, ءبىراز ازاماتتى جۇمىسپەن قامتۋعا سەپتىگىن تيگىزەتىن بۇل باعدارلامانىڭ قىسىلتاياڭ شاقتا ماڭىزى ارتا ءتۇستى. يگىلىگى مول باعدارلامانى ىسكە اسىرۋعا 1 ملرد تەڭگە ءبولىندى. بۇل ۋاقىتشا جانە تۇراقتى 242 مىڭنان اسا جۇمىس ورنىن اشۋعا مۇمكىندىك بەرەدى.
ءبىز ءوز تاراپىمىزدان باعدارلامانىڭ تالاي ءتيىمدى كاسىپتىڭ كوزىن اشىپ, ودان ءارى تۇراقتى دامۋعا ىقپال ەتۋىنە مۇددەلىمىز. بيزنەسكە باستاۋ بولاتىن جوبالار تيىمدىلىگىن كورسەتىپ, جۇمىس ورىندارىنىڭ اياسىن كەڭەيتۋگە ۇلەس قوسۋى ءۇشىن جاعداي جاساۋ كەرەك.
ءوز كەزەگىندە «اتامەكەن» ۇلتتىق كəسىپكەرلەر پالاتاسىنىڭ ءموبيلدى جۇمىسپەن قامتۋ ورتالىقتارى «جۇمىسپەن قامتۋدىڭ جول كارتاسى» شەڭبەرىندە جۇمىسسىز تۇلعالارعا پايدالى اقپاراتتاردى ۋاقتىلى جەتكىزىپ, جۇمىسقا ورنالاستىرۋعا كومەكتەسۋگە دايىن. سونىڭ ىشىندە ونلاين رەجىمدە جۇمىسپەن قامتۋ تاجىريبەسىمەن ءبولىسۋ ازاماتتارعا ءبىراز سەپتىگىن تيگىزەدى دەپ ويلايمىن.
بۇگىنگى تاڭدا وسىنداي 31 ءموبيلدى ورتالىق جۇمىس ىستەپ تۇر. ونىڭ 8-ءى – نۇر-سۇلتان, 12-ءسى – الماتى, 10-ى – شىمكەنت قالارىندا جانە بىرەۋى قورداي اۋدانىندا ۇيىمداستىرىلدى. 2019 جىلدان
2020 جىلدىڭ 1 ساۋىرىنە دەيىنگى كەزەڭدە بۇل ورتالىقتىڭ قىزمەتىنە 143,1 مىڭ ادام جۇگىندى. جوبا ىسكە قوسىلعان ساتتەن باستاپ 5362 ادام جۇمىسقا ورنالاستىرىلدى. ونىڭ ىشىندە 174 ادام توتەنشە جاعداي كەزىندە جۇمىستى بولدى.
وسىلايشا كەز كەلگەن سالادا ماسەلەنىڭ شەشىمىن جەدەل تاۋىپ, ونىڭ ناتيجەلى ورىندالۋى ءۇشىن جۇمىلا كىرىسسەك, بۇل كۇردەلى كەزەڭنىڭ اۋىرتپالىعىن دا ارتقا تاستايمىز دەپ سەنەمىن.
ايدانا توعىزباەۆا,
«اتامەكەن» ۇلتتىق كاسىپكەرلەر پالاتاسى جۇمىسپەن قامتۋ ماسەلەلەرى بويىنشا دەپارتامەنتىنىڭ ديرەكتورى
