پروكۋراتۋرا ءبىر جىل بۇرىن اتىراۋ قالاسىنداعى پسيحونەۆرولوگيالىق اۋىتقۋلارى بار بالالارعا ارنالعان مەكتەپ-ينتەرناتتاعى بەينەباقىلاۋ كامەرالارىن تەكسەرگەن كەزدە بالالاردى ۇرىپ-سوعۋ دەرەكتەرى انىقتالعان بولاتىن. بۇل ءىس جۇرتشىلىق اراسىندا كەڭىنەن تالقىعا سالىندى.
دەگەنمەن, 2020 جىلدىڭ اقپان ايىنىڭ سوڭىندا تاربيەشىلەرگە قاتىستى قىلمىستىق ءىس قپك-ءنىڭ 35-بابىنداعى 1-بولىكتىڭ 4-تارماعى نەگىزىندە «قىلمىستىق جاۋاپتىلىققا تارتۋدىڭ ەسكىرۋ مەرزىمىنىڭ وتۋىنە وراي» توقتاتىلدى.
بۇل ءىستى ەرەكشە باقىلاۋعا العان سەنات توراعاسى داريعا نازارباەۆانىڭ باستاماسى بويىنشا باس پروكۋراتۋرا مەن ىشكى ىستەر مينيسترلىگىنە حات جولدانىپ, ءتيىستى دەپۋتاتتىق ساۋالدار ازىرلەنگەن بولاتىن, وندا ينتەرنات تاربيەلەنۋشىلەرىنە قاتىگەزدىك تانىتقان كىنالىلەردى زاڭعا سايكەس قاتاڭ جازالاۋ تالابى ايتىلدى.
2020 جىلعى 12 ناۋرىزدا اتىراۋ وبلىستىق پروكۋراتۋراسى اتىراۋ قالاسىنداعى №3 ارناۋلى الەۋمەتتىك قىزمەتتەر كورسەتۋ ورتالىعىندا مۇگەدەك بالالاردى سوققىعا جىققان تاربيەشىلەرگە قاتىستى قىلمىستىق ءىستى قىسقارتۋ تۋرالى شەشىمنىڭ كۇشىن جويدى. ءىس قوسىمشا تەرگەۋگە قايتارىلدى.
ءىىم اقپاراتى بويىنشا, قايتا تەرگەۋدەن كەيىن تاربيەشىلەر مەن سانيتارلاردىڭ جاس تاربيەلەنۋشىلەرگە قاتىستى قاتىگەزدىك فاكتىلەرى راستالدى. سوت-مەديتسينالىق ساراپتاماسىنىڭ قورىتىندىسىنا سايكەس, ساراپتاما جۇرگىزۋ كەزىندە ورتالىقتىڭ ءۇش جاس تاربيەلەنۋشىسىندە 1-3 تاۋلىك شاماسىندا دەنە جاراقاتىن العانى, دەنساۋلىقتارىنا جەڭىل زيان رەتىندە سارالانعانى بەلگىلى بولدى.
بيىلعى جىلدىڭ 24 ناۋرىزىندا قىلمىستىق ءىس قىلمىستىق كودەكستىڭ 110-بابىنداعى 2-بولىكتىڭ 1,2-تارماقتارى بويىنشا كامەلەتكە تولماعان ادامعا نەمەسە كiنالi ادامعا دارمەنسiز كۇيدە ەكەنi كورىنەۋ بەلگiلi نە كiنالi ادامعا ماتەريالدىق نەمەسە وزگەدەي تاۋەلدi ادامعا قاتىستى كىنانى مويىنداۋ دەپ سارالاندى. وسى مەكەمەنىڭ تاربيەشىلەرى مەن سانيتارلارىنىڭ ارەكەتتەرى ەلىمىزدىڭ قىلمىستىق كودەكسىنىڭ اتالعان بابىنا جاتقىزىلىپ وتىر.
سونىمەن قاتار, باس پروكۋراتۋرانىڭ اقپاراتى بويىنشا, كىنالى لاۋازىمدى تۇلعالارعا قاتىستى جول بەرىلگەن پروتسەسسۋالدىق بۇزۋشىلىقتار ءۇشىن وبلىستىق پوليتسيا دەپارتامەنتى باستىعىنىڭ ورىنباسارىنا, تەرگەۋ باسقارماسىنىڭ باستىعىنا جانە ونىڭ ورىنباسارىنا, سونداي-اق انىقتاۋشىلارعا قاتىستى تارتىپتىك ءىس قوزعالدى. اتىراۋ قالاسى №3 ارناۋلى الەۋمەتتىك قىزمەتتەر كورسەتۋ ورتالىعىنىڭ ديرەكتورى قىزمەتىنەن بوساتىلدى, اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى جانە مەكەمە ءبولىمىنىڭ باسشىسى تارتىپتىك جاۋاپكەرشىلىككە تارتىلدى.
ءىس داريعا نازارباەۆانىڭ جەكە باقىلاۋىندا بولادى.
