توتەنشە جاعداي ەنگىزىلگەنگە دەيىن وبلىستىق قان ورتالىعىنا كۇنىنە 20-25 دونور كەلەتىن. قازىرگى ۋاقىتتا ولاردىڭ سانى 8-12 ادامعا دەيىن قىسقاردى. بۇگىندە ورتالىقتا قان قورى جەتكىلىكتى, بىراق, ونى كۇندەلىكتى تولىقتىرىپ وتىرۋ قاجەت. ماسەلەنىڭ الدىن-الۋ ءۇشىن ورتالىق بىرقاتار جۇمىس اتقارىلۋدا.
– بارلىق قان توبى ورتالىقتا بار. وتىنىمدەر ۋاقىتىلى ورىندالادى. بىراق دونورلار سانى ازايدى. ءبىز بارلىق مەديتسينالىق ۇيىمداردىڭ باسشىلارىنا جانە كاسىپورىن جەتەكشىلەرىنە حات جولدادىق. ءوزىمىزدىڭ قىزمەت كولىگىمىزبەن دونورلاردى جەتكىزەمىز, – دەيدى وبلىستىق قان ورتالىعىنىڭ باس دارىگەرى ەرمەك مۇحامەديەۆ.
مەديتسينا قىزمەتكەرلەرى ازاماتتاردىڭ يگىلىكتى شارادان شەت قالماي, ءوز ەرىكتەرىمەن كەلۋگە شاقىرادى. ويتكەنى, ءسىزدىڭ قانىڭىز بىرەۋدىڭ ءومىرىن ساقتاپ قالۋى ابدەن مۇمكىن.
اقمولا وبلىسى
