بۇگىن دەنساۋلىق ساقتاۋ مينيسترلىگى شىعىس قازاقستاندا كوروناۆيرۋس ينفەكتسياسىنان 1 ادامنىڭ قايتىس بولعانىن حابارلاعان ەدى. وبلىستىق دەنساۋلىق ساقتاۋ باسقارماسىنىڭ باسشىسى ءىلياس مۇحامەدجان بۇل دەرەكتى راستاپ, كوز جۇمعان كىسى وسكەمەن قالاسىنىڭ 1979 جىلى تۋعان تۇرعىنى, ايەل ادام ەكەندىگىن راستادى.
«ناۋقاس 12 ساۋىردە جەدەل جاردەم قىزمەتىمەن اۋىر جاعدايدا ەكى جاقتى پنەۆمونيامەن پروۆيزورلىق ستاتسيونارعا جەتكىزىلگەن. شەت ەلگە شىقپاعان. CوVID-19 تالداۋلارى وڭ ناتيجە كورسەتكەننەن كەيىن ينفەكتسيالىق ستاتسيوناردىڭ قارقىندى تەراپيا پالاتاسىنا اۋىستىرىلدى. پاتسيەنتتە سوVID-19-دان باسقا ەكى جاقتى وشاقتى پنەۆمونيا, سول جاقتى پلەۆريت, 3 دارەجەلى تىنىس الۋ جەتكىلىكسىزدىگى, توكسيندى ميوكارديت, ءجىتى رەسپيراتورلىق ديسسترەسس-سيندرومى جانە اۋىر الكوگولدىك ۋلانۋى تىركەلگەن. ناۋقاستىڭ ءومىرىن ساقتاۋ ءۇشىن رەانيماتولوگ دارىگەرلەر وكپەنى جاساندى جەلدەتۋ اپپاراتىنا قوسىپ, بارلىق رەانيماتسيالىق ءىس-شارالاردى جۇرگىزدى. تۇندە ەكى مارتە جۇرەگى توقتاپ, ەكى رەت رەانيماتسيالىق شارا ءساتتى ناتيجە كورسەتكەن بولاتىن. الايدا, جۇرەگى قايتادان ءۇشىنشى رەت توقتاعان كەزدە, رەانيماتسيا شارالارى ءساتسىز بولدى. ونىمەن بايلانىستا بولعان 13 ادام تىركەلگەن. ولاردىڭ بارلىعى وقشاۋلاندى. ناۋقاستىڭ جاقىندارى مەن تۋعان-تۋىستارىنا قايعىرا كوڭىل ايتامىز» دەيدى باسقارما باسشىسى.
وسكەمەن
