كەلەشەككە سەنىم زور

حالقىمىزدا زەينەتكەرلەردى ەلدىڭ “التىن قورى” دەپ سالىستىرا باعا بەرگەن تاربيەلى وي قالىپ­تاسقان. ەلىمىزدىڭ دامۋ جولىن, تاريحىن ساراپتاۋعا زەينەتكەرلەر ۇدايى زور كوڭىل ءبولىپ, ءجۇرىپ وتكەن جولى مەن بەلەستى بولجاۋدى قاتار ۇستانادى. پرەزيدەنتىمىزدىڭ بيىلعى جول­داۋى – جاس ۇرپاقتان باستاپ, ەڭ­كەي­گەن قارتقا دەيىن كوڭىلگە قو­نىم­دى, جاڭا ونجىلدىققا باسقان ءار قادامنىڭ ايقىن باعدارلاماسى. جولداۋدا ۇلى وتان سوعىسى اردا­گەرلەرىنە, زەينەتكەرلەرگە, مۇگە­دەك­تەرگە كورسەتىلەتىن كومەك, ۇدايى قامقورلىققا الۋ مىندەتتەرى قارت­تار­دىڭ كوڭىلىن ءبىر سەرپىلتىپ, ماق­تانىش سەزىمىن ەسەلەي ءتۇستى. جول­داۋدىڭ باستى ءبىر ماقساتى رەتىندە حالىقتىڭ دەنساۋلىعىن ساقتاۋ, ءومىر ءسۇرۋ ۇزاقتىعىن دامىعان ەل­دەر قاتارىنا جەتكىزۋ ماسەلەسى شىن جاناشىر ادامنان تۋىن­داي­تىن وي. ۇزاق جاساعىسى كەلگەن ءار ادام سالاماتتى ءومىر سالتىن ءدارىپ­تەپ, وزىمەن بىرگە بالا, نەمەرەسىن ەرتىپ, سپورتپەن اينالىسۋى كەرەك دەپ تۇسىنەمىن. ءبىزدىڭ وتباسى يۆا­نوۆ جۇيەسىمەن دەنساۋلىعىن شىنىقتىرۋمەن اينالىسادى, سۋدا ءجۇزۋ, سپورتتىق ويىندار, جۇگىرۋ سياقتى شارالارعا ءۇي ىشىمىزبەن قاتىسامىز. بيىلعى جولداۋدىڭ وزەكتى تاعى ءبىر ماسەلەسى يندۋستريالىق-يننو­ۆا­تسيالىق باعدارلامانى تولىق, ءارى تۇششىمدى تالداۋ ارقىلى حالىققا جاڭا جوبانىڭ باسىم جاعىن اشىپ كورسەتىپ, ياعني الەمدەگى مىقتى ەلۋ ەلدىڭ قاتارىنا قوسىلۋدىڭ ايقىن جولى – يندۋستريالىق-يننوۆاتسيا­لىق جول ەكەنىن ايعاقتادى. بۇل باعدارلاما – جاڭا ونجىلدىققا قويىل­عان باستى ماقسات, كەلەشەك ۇرپاق بولاشاعىنىڭ نەگىزى, وركەن­دەۋدىڭ ماڭىزدى جاڭا تابىستارى. جولداۋدىڭ ءبىر ەرەكشەلىگى, ءححى عاسىردىڭ العاشقى ونجىلدىعىندا قول جەتكەن جەتىستىكتەر اتالىپ, ءتۇيىن­دى پىكىرلەرمەن قاتار, كۇندە­لىك­تى ومىردە شەشىلۋ ءساتىن كۇتىپ تۇر­عان ماسەلەلەر ورىندى ەسكەر­تىل­دى. بۇل – جولداۋدىڭ ومىرشەڭدىگى. جولداۋ كوڭىلگە شابىت تولتىرىپ, جوسپارلانعان ىزگى ىستەرگە جەتەلەيدى. كەلەشەككە سەنىم زور. ءمارياش ساعىندىقوۆا, ءبىلىم سالاسىنىڭ ارداگەرى. پاۆلودار وبلىسى, ەكىباستۇز قالاسى.