قازىر Whatsapp, ZOOM جانە ت.ب. باعدارلامالار ارقىلى 1326 تىڭداۋشىعا قازاق تىلىنەن ونلاين وقىتۋ كۋرسى جۇرگىزىلۋدە. سونىمەن قاتار, 110 مەملەكەتتىك قىزمەتكەرلەرگە دە اعىلشىن تىلىنەن ونلاين كۋرستارى ءوتىپ جاتىر.
قالامىزدىڭ ەرەسەك تۇرعىندارىنا تاجىريبەلى ادىستەمەلەرى قالىپتاسقان بىلىكتى وقىتۋشىلار ساباق بەرەدى.
«ونلاين وقىتۋ كەزىندە ءتىل ۇيرەنۋشى وزىنە قولايلى ۋاقىتتا, وزىنە ىڭعايلى ورىندا, ياعني, جۇمىس كابينەتىنەن, ۇيدەن, ساباقتان دا قول ۇزبەي, ءتيىمدى قارقىندا ءتىل ۇيرەنە الادى. توپتا وقۋ مەن ساباق كەستەسى وزىنە ءتيىمسىز دەپ سانايتىن ەرەسەكتەر ءۇشىن ونلاين وقىتۋدىڭ پايداسى وراسان زور. ونلاين وقۋ ءۇشىن ءتىل ۇيرەنۋشىلەردەن ينتەرنەتكە قوسىلعان دەربەس كومپيۋتەر, تەگىن جۇكتەلەتىن سكايپ باعدارلاماسى جانە ەڭ باستىسى, «قازاق ءتىلىن ۇيرەنەمىن» دەگەن نيەتى, ماقساتى بولۋى قاجەت. تىڭداۋشىلارىمىزدىڭ قالاۋى بويىنشا WھatsApp, Zoom, Tەلەگرامم جۇيەسىندەگى باعدارلامالاردى ينتەرنەت جەلىسىندە قولدانىپ, چات توبىن قۇرىپ, ساباق جۇيەلى تۇردە وتكىزىلەدى.
وقىتۋ ۇدەرىسىندە ءتىل ۇيرەنۋشىلەردىڭ دەڭگەيلەرى ءارتۇرلى بولۋىنا بايلانىستى, ءتىل ۇيرەنۋشىلەردىڭ تالابىنا, سۇرانىسىنا باعىتتالعان ءادىس-تاسىلدەر قولدانىلادى.
ونلاين ساباقتار بارىسىندا ءتىل ۇيرەتۋشى مەن ۇيرەنۋشى اراسىنداعى قارىم-قاتىناس ۇزىلمەيدى. كەرىسىنشە, تىڭداۋشى ءوز بويىنا تەرەڭ جاۋاپكەرشىلىكتى الىپ, تاپسىرمالاردى تىڭعىلىقتى ورىنداۋعا تىرىسادى. ونلاين ساباقتىڭ قيىنشىلىعى WھatsApp, Zoom ارقىلى كونفەرەنتسيا ساباقتار جۇرگىزگەندە ينتەرنەت جەلىسىنىڭ دۇرىس ۇستاماۋى, تىڭداۋشىلاردىڭ قايتا-قايتا جەلىدەن ءۇزىلىپ كەتۋى كەدەرگى كەلتىرەدى. دەگەنمەن سوعان قاراماستان, ساباق بەرۋدە زاماناۋي تەحنولوگيالار مۇمكىندىگىنىڭ ارقاسىندا ءتىل ۇيرەتۋ داعدىلارىنىڭ بارلىعى قامتىلۋدا» – دەيدى قازاق ءتىلىنىڭ وقىتۋشىلارى.
ءتىل ۇيرەنۋگە دەگەن ىنتالارى ارقاسىندا ەلوردانىڭ № 8,10 ەمحانا قىزمەتكەرلەرى دە جۇمىستان بوس ۋاقىت كەزىندە ونلاين وقۋ كۋرسىنا قاتىسىپ جاتقاندىعى تۋرالى دارىگەرلەرگە قازاق ءتىلىن وقىتىپ جۇرگەن ۆالەنتينا ۋماركانوۆا ايتۋدا.
حالىققا قىزمەت كورسەتۋ ورتالىقتارىنىڭ ماماندارىنا «قولجەتىمدى ورتا قۇرۋ» ماقساتىندا قالا اكىمىنىڭ جوباسى اياسىندا ۇيىمداستىرىلعان وقۋ كۋرسىن اعىلشىن ءتىلى وقىتۋشىلارى گاۋحار اعزاموۆا مەن جانىبەك بايحانوۆ ونلاين جۇيەسىندە جۇرگىزۋدە. تىڭداۋشىلار اعىلشىن ءتىلى وقۋ كۋرسى كەزىندە شەتتىلدى ازاماتتاردى ء«بىر تەرەزەدەن قابىلداۋ» ماقساتىندا قاجەتتى اۋىز ەكى ديالوگتى سوزدىكتەر قۇراستىرۋدا.
