ولار قالتا تەلەفوننىڭ Bluetooth سيگنالىن پايدالانىپ, قاجەت ادامنىڭ جۇرگەن جەرىن, كىمدەرمەن قاتىناسقانىن انىقتاي وتىرىپ, Covid-19 دەرتى بار ادامعا ۇشىراسقان جاعدايدا سمارتفون دەرەۋ «قاش» دەگەن بەلگى بەرەدى. بۇل ءادىس GPS جۇيەسىن پايدالانبايتىندىقتان جەكە تۇلعا جايلى مالىمەت سىرتقا تارامايدى.
ء«بىز جاساپ جاتقان جاڭا تەحنولوگيا ەڭ اۋەلى جەكە تۇلعانىڭ قاۋىپسىزدىگىن قامتاماسىز ەتۋگە باعىتتالعان» دەگەن مالىمدەمە تاراتىپ جاتىر كومپانيا وكىلدەرى.
ءتىپتى اقۇيدە وتكەن كونفەرەنتسيا كەزىندە اقش باسشىسى دونالد ترامپ: «بۇل قۇپتاۋعا تۇرارلىق شەشىم ەكەن. دەسە دە جەكە تۇلعانىڭ قاۋىپسىزدىگىن قورعاۋدىڭ جولى قانداي؟ وسى ماسەلەلەدە ويلانۋ قاجەت» دەگەندى ايتتى.
Apple بولسا iOS جۇيەسىنىڭ نەگىزىن سالۋشى, Google جۇمىسى اندرويد جۇيەسىنە نەگىزدەلگەندىكتەن, بۇلار بىرىكسە الىنبايتىن قامال بولماۋى ءتيىس. قازىردىڭ وزىندە مۇنداي ءتاسىلدى سينگاپۋر, يزرايل, وڭتۇستىك كورەيا, پولشا ت.ب.مەملەكەتتەر سمارتفوندى پايدالانىپ, ىندەتتىڭ الدىن الۋ ءتاسىلىن تار شەڭبەردە قولدانا باستادى.
