43 جاسقا دەيىن شارشى الاڭدى ارمانسىز شايقاعان ميچيگان شتاتىنىڭ تۋماسى شيرەك عاسىرعا جۋىق ۋاقىت بويى كاسىپقوي رينگتە كۇش سىناستى. سول ارالىقتا 50 جەكپە-جەك وتكىزىپ, بارلىعىندا جەڭىسكە جەتتى. 27 قارسىلاسىن نوكاۋتقا جىبەردى.مەيۆەزەر ءوز ءداۋءىرىنىڭ بارلىق مىقتىلارىن ۇتتى. بىرنەشە سالماق دارەجەسى جانە بىرنەشە نۇسقا بويىنشا الەم چەمپيونى اتاندى. ونىڭ ەسىمى تورتكۇل دۇنيەدەگى تەڭدەسسىز بوكسشىلاردىڭ ءبىرى ءارى بىرەگەيى رەتىندە تاريحتا قالدى.
سوڭعى باسەكەسىن 2017 جىلدىڭ 26 تامىزىندا وتكىزگەن فلويد ەرەجەسىز جەكپە-جەكتى حاس شەبەرى, يرلانديالىق كونور ماكگرەگوردى ايقىن باسىمدىقپەن ۇتقان بولاتىن. سودان بەرى ءۇش جىلعا جۋىق ۋاقىت ءوتتى. مەيۆەزەر نە رينگكە شىققان جوق, نە سپورتتىق كارەراسىن اياقتايتىنىن ايتپادى.
كۇنى كەشە ول باپكەرلىك كاسىپپەن شۇعىلداناتىنىن مالىمدەدى. وسىدان ءبىراز ۋاقىت بۇرىن ونىڭ اعاسى, كەزىندەگى كاسىپقوي بوكسشى ءارى جاتتىقتىرۋشى رودجەر مەيۆەزەردىڭ قايتىس بولعانى بەلگىلى. فلويد اعاسىنىڭ جولىن جالعاستىرۋدى ءجون كورگەن ەكەن.
