COVID -19 ىندەتىنىڭ تارالۋىنا جول بەرمەۋ ماقساتىندا, قالا اكىمىنىڭ باسشىلىعىمەن ءتيىستى ورگانداردىڭ مۇشەلەرىمەن جۇمىس توبى قۇرىلىپ, شتاب وتىرىستارى وتكىزىلىپ, بارلىق قاجەتتى ءىس-شارالار ۇيىمداستىرىلىپ, جولعا قويىلدى.
كوپ پاتەرلى تۇرعىن ۇيلەردىڭ ورتاق پايدالاناتىن ورىندارىن (ليفتتەر, دالىزدە ورنالاسقان تەرەزە, ەسىك تۇتقالارى, قابىرعالارى, دوموفون, سۇيەنىشتەردى) دەزنيفەكتسيالاۋ جۇمىستارى باسقارۋشى ورگاندارىنىڭ قىزمەتكەرلەرىنىڭ جانە تۇرعىنداردىڭ كۇشىمەن جۇرگىزىلۋدە.
-اتاپ ايتقاندا 27 باسقارۋشى كومپانيا وزدەرىنىڭ ارنايى دەزينفەكتسيالىق جابدىقتارىمەن تۇرعىن ۇيلەردە دەزنيفەكتسيالاۋ جۇمىستارىن جۇرگىزۋدە. سونداي-اق, اتالعان كومپانيالار ءوز جابدىقتارىن باسقا قىزمەت كورسەتۋشىلەرگە بەرۋ ارقىلى, كەستە بويىنشا ءىس-شارالار تۇراقتى جاساسۋعا كومەكتەسەدى. اكىمدىك تاراپىنان, تۇرعىنداردىڭ وتىنىشتەرىنە دەر كەزىندە شارا قابىلدانىپ, ورىندالۋ بارىسى قاداعالانۋدا, دەدى اقتاۋ قالالىق تۇرعىن-ءۇي ينسپەكتسياسى مەملەكەتتىك مەكەمەسىنىڭ باسشىسى گۇلجان ومىرزاقوۆا.
سونداي-اق قورعانىس مينيسترلىگىنىڭ اسكەري قىزمەتشىلەرىنەن جاساقتالعان توپتىڭ كومەگىمەن 1 ساۋىردەن باستاپ اقتاۋ قالاسىنداعى بارلىق شاعىن اۋدانداردىن ىشىلىك اۋماقتارىن, تۇرعىن ۇيلەردىڭ اينالاسىن دەزينفەكتسيالاۋ بويىنشا جوسپار جاساقتالىپ, جۇمىستارى كۇندەلىكتى جۇرگىزىلۋدە.
قازىرگى ۋاقىتتا, 1-ءشى جانە 17-ءشى شاعىن اۋدانداردىن ارالىعىنا دەيىنگى بارلىق اۋداندار, جاياۋ ءجۇرۋ جولدارى, ايالدامالار, ءۇي اۋلالارى مەن ورىندىقتار, قوقىس جاشىكتەرى, بالالار جانە سپورت ويىن الاڭدارىنا زالالسىزداندىرۋ جۇمىستارى جۇرگىزىلىپ, ءىس-شارالار جالعاسۋدا.
سونىمەن قاتار, اسكەري قىزمەتشىلەرىنەن جاساقتالعان جۇمىس توبىمەن, 25-ءشى ناۋرىزدان بەرى قالا بويىنشا حالىق كوپ شوعىرلاناتىن ورىنداردى زالالسىزداندىرۋ جۇمىستارى ىسكە اسىرىلۋدا.
30 جانە 31 ناۋرىز كۇندەرى قالا اكىمدىگىنىڭ كوممۋنالدىق قىزمەتتەرىمەن 7 ارنايى تەحنيكا جۇمىلدىرىلىپ, قالا اۋماعىنداعى بارلىق ورتالىق كوشەلەر جانە تەڭىز جاعالاۋىن دەزينفەكتسيالاۋ جۇمىستارى اتقارىلدى.
اقتاۋدا 4 ساۋىردە 11 ش/ا 10 ءۇي مەكەن-جايىندا كۆي جۇقتىرعان ەكى ادامنىڭ جانە 6 ساۋىردە 14 ش/ا 38 ءۇي مەكەن-جايى بويىنشا انىقتالعان تاعى ەكى ادامنىڭ تۇراتىن تۇرعىن ۇيلەر تولىقتاي ارنايى ۇيىمدارمەن دەرەۋ دەزينفەكتسيالاندى. تۇرعىن ءۇيدىڭ 500 مەتر قاشىقتىققا دەيىن ورنالاسقان بارلىق نىساندار دەزينفەكتسيالاندى. كارانتين رەجيمىنىڭ تالابىنا سايكەس, ناۋقاس انىقتالعان پودەزد تۇرعىندارى وقشالاۋندى. كارانتينگە ەنگىزىلگەن پودەزد تۇرعىندارىنا سانيتارلىق ماماندار بارلىق ەرەجەلەردى ءتۇسىندىردى. قازىرگى تاڭدا اتالعان وبەكتىلەردە پوليتسيا قىزمەتكەرلەرى تاۋلىك بويى كەزەكشىلىك ەتۋدە.
كارانتيننىڭ ۋاقىتىنا جابىلعان ءدالىز تۇرعىندارى ءبىرىنشى قاجەتتىلىك جانە باسقا دا تاۋارلارمەن تۇراقتى قامتاماسىز ەتىلۋدە. سول دالىزدەردىڭ قاسىندا باسقارۋشى ورگاندارىمەن بولەك قوقىس جاشىكتەرى دە تازالانىپ تۇرادى. ۇيىمداستىرۋ شارالارىن قالالىق اكىمدىكتىڭ قىزمەتكەرلەرى ۇيلەستىرەدى.
ماڭعىستاۋ وبلىسى
