ايماقتار • 09 ءساۋىر، 2020

قارتتار ۇيىندەگى قاسىرەت

74 رەتكورسەتىلدى

نۇر-سۇلتان قالاسىنىڭ ىرگەسىندەگى قارتتار ءۇيى قاھارلى  ىندەتتىڭ قاسىرەتتى وشاعىنا اينالىپ تۇر.

«شاپاعات» ارنايى الەۋمەتتىك كومەك كورسەتۋ ورتالىعى نۇر-سۇلتان قالاسىنان بەس شاقىرىم جەردە، تسەلينوگراد  اۋدانىنا قاراستى اققايىڭ اۋىلىندا ورنالاسقان. 16 ناۋرىز، كارانتين جاريالانعان كۇنى ورتالىقتا 147 ادام بولدى. ولاردىڭ ورتاشا جاس مولشەرى 75 جاستى قۇرايدى.

ورتالىقتا قاريالارعا قىزمەت كورسەتەتىن قىزمەتكەرلەردىڭ 51-ءى قاشىقتىقتان جۇمىس ىستەۋگە كوشىرىلگەن. كەيبىرەۋلەرى كەزەكتى ەڭبەك دەمالىسىنا شىققان. وسى ورتالىقتا ءساۋىردىڭ 2-ءسى كۇنى 1947 جىلى تۋعان ەر ادام قايتىس بولدى. ارادا ءتورت كۇن وتكەن سوڭ، 1929 جىلى تۋعان ايەل ادام ومىردەن وزدى. ەكەۋىنىڭ دە كوروناۆيرۋس دەرتىنە شالدىققانى ومىردەن وتكەن سوڭ عانا انىقتالدى. ىلە دابىل قاعىلىپ، قارتتار ءۇيىن پانالاعان ادامدار مەن ورتالىقتىڭ قىزمەتكەرلەرى مەديتسينالىق تەكسەرىستەن وتكىزىلە باستادى.

بۇگىن، ياعني ءساۋىردىڭ 9-ى  كۇنى  35 ادامنىڭ  ۆيرۋس جۇقتىرعانى بەلگىلى بولىپ وتىر. 34-ءى  قاريالار، 1-ەۋى ورتالىق قىزمەتكەرى. ءدال قازىر اقمولا وبلىسىندا 56 ناۋقاس تىركەلگەن.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار