ايماقتار • 08 ءساۋىر، 2020

قازاقستان مەن رەسەي ماماندارى قاشىقتان وقىتۋ بويىنشا تاجىريبە الماستى

38 رەتكورسەتىلدى

اباي اتىنداعى قازۇپۋ-تىندە رەسەيلىك ارىپتەستەردىڭ قاتىسۋىمەن «قاشىقتان وقىتۋدى ۇيىمداستىرۋدىڭ قازاقستاندىق-رەسەيلىك تاجىريبەسى» ونلاين-ۆەبينارى ءوتتى.

ۆەبينارعا اباي اتىنداعى قازۇپۋ رەكتورى تاكير بالىقباەۆ، كراسنويار مەملەكەتتىك پەداگوگيكالىق ۋنيۆەرسيتەتىنىڭ ءبىلىم بەرۋدەگى ينفورماتيكا جانە اقپاراتتىق تەحنولوگيالار كافەدراسىنىڭ مەڭگەرۋشىسى نيكولاي پاك، ماسكەۋ قالالىق پەداگوگيكالىق ۋنيۆەرسيتەتىنىڭ تسيفرلىق ءبىلىم بەرۋ ينستيتۋتىنىڭ ءبىلىمدى اقپاراتتاندىرۋ كافەدراسىنىڭ دوتسەنتى الەكساندر گريشكۋن، سونداي-اق ۋنيۆەرسيتەتتىڭ پرورەكتورلارى، قاشىقتان وقىتۋعا جاۋاپتى قۇرىلىمدىق بولىمشەلەردىڭ، ينستيتۋتتار مەن كافەدرالارىنىڭ باسشىلارى قاتىستى.

ۆەبيناردىڭ مودەراتورى - اباي اتىنداعى قازۇپۋ-دىڭ وقۋ ءىسى جونىندەگى پرورەكتورى اسان ساتمىرزاەۆ بولدى.

ءىس-شارا بارىسىندا قاشىقتان وقىتۋدى ۇيىمداستىرۋ جانە دامىتۋ، قاشىقتىقتان وقىتۋ كۋرستارىنىڭ ساپاسىن قامتاماسىز ەتۋ ماسەلەلەرى تالقىلاندى، Zoom، Google Hangouts، BigBlueButton پلاتفورمالارىن پايدالانۋعا سالىستىرمالى تالداۋ جۇرگىزىلدى. سونىمەن قاتار ماماندار www.bilimland.kz ەلەكتروندى وقىتۋ پلاتفورماسىن جانە STEM ءبىلىم بەرۋ كۋرستارىن قاشىقتان وقىتۋ ادىستەرىن قولدانۋ تاجىريبەسىمەن ءبولىستى.

ۆەبينار جۇمىسىندا اباي اتىنداعى قازۇپۋ-دىڭ ءبىلىم بەرۋدى اقپاراتتاندىرۋ دەپارتامەنتىنىڭ ديرەكتورى باحىتجان احمەتوۆ، كمپۋ ءبىلىم بەرۋدەگى ينفورماتيكا جانە اقپاراتتىق تەحنولوگيالار كافەدراسىنىڭ مەڭگەرۋشىسى نيكولاي پاك، مقپۋ-دىڭ ءبىلىمدى اقپاراتتاندىرۋ كافەدراسىنىڭ دوتسەنتى الەكساندر گريشكۋن، قازۇپۋ-دىڭ ماتەماتيكا، فيزيكا جانە ينفورماتيكا ينستيتۋتىنىڭ اعا وقىتۋشىسى نۇرجامال وشانوۆا بايانداما جاسادى.

قازاقستاندىق جوعارى وقۋ ورىندارىنىڭ قاشىقتان وقىتۋعا كوشۋىنە بايلانىستى اباي ۋنيۆەرسيتەتى وقىتۋشىلارى مەن ستۋدەنتتەرىنە وقۋ جۇكتەمەسىنە، وقۋ جۇمىس جوسپارى مەن باعدارلامالارعا، ساباق كەستەسىنە سايكەس قاشىقتان ءبىلىم بەرۋ تەحنولوگيالارى نەگىزىندە ەلەكتروندىق پلاتفورمالارعا قولجەتىمدىلىك بەرىلدى. ارنايى نۇسقاۋلىقتار ۇسىنىلدى. قاشىقتان ءبىلىم بەرۋ قۇرالى رەتىندە ۆيدەو-ساباقتار، دەربەس ونلاين-جۇمىس، ونلاين-كۋرستار، ۆەبينارلار مەن سەمينارلار قولدانىلادى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار