ايماقتار • 08 ءساۋىر، 2020

شىمكەنتتە تولەمدەر پوست تەرمينالدارى ارقىلى جۇرگىزىلۋدە

33 رەتكورسەتىلدى

ەلىمىزدە قالىپتاسقان جاعدايعا بايلانىستى شىمكەنت قالاسىنداعى بازارلار مەن دۇكەندەر جانە ساۋدا ورىندارى تولەمدەردى پوست تەرمينالدار ارقىلى قابىلداۋدى باستادى. بۇل ءوز كەزەگىندە كوروناۆيرۋستىڭ تارالۋىنا توسقاۋىل بولماق. وعان قوسا كولەڭكەلى بيزنەسيتىڭ جولىن كەسەدى.   

بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى بويىنشا كىرىستەر دەپارتامەنتىنىڭ ماماندارى ايتتى.

- جەكەلەگەن قىزمەت تۇرلەرىنىڭ جانە تولەم كارتوچكالارىن پايدالانا وتىرىپ تولەمدەردى قابىلداۋ تۋرالى ۇكىمەت قاۋلىسى 2014 جىلى شىققان. وندا ناقتى تولەمدەر قىزمەتى كورسەتىلگەن، - دەيدى مەملەكەتتىك قىزمەت كورسەتۋلەر باسقارماسى باسشىسىنىڭ مىندەتىن اتقارۋشى جاننا تويبازاروۆا.

جەكەلەگەن قىزمەت تۇرلەرىنىڭ جانە تولەم كارتوچكالارىن پايدالانا وتىرىپ تولەمدەردى قابىلداۋعا ارنالعان جابدىق (قۇرىلعى) قولدانۋ تىزبەسىن بەكىتۋ تۋرالى قازاقستان رەسپۋبليكاسى ۇكىمەتىنىڭ 2016 جىلعى 21 قازانداعى № 604 قاۋلىسىنا سايكەس «تولەمدەر جانە تولەم جۇيەلەرى تۋرالى» قازاقستان رەسپۋبليكاسىنىڭ زاڭى 39-بابىنىڭ 4-تارماعىنا سايكەس  جەكەلەگەن قىزمەت تۇرلەرىنىڭ جانە تولەم كارتوچكالارىن پايدالانا وتىرىپ تولەمدەردى قابىلداۋعا ارنالعان قۇرىلعى قولدانۋ  تىزبەسى بەكىتىلسىن.

قازاقستان رەسپۋبليكاسىنىڭ ۇكىمەتى قاۋلى ەتەدى:

جەكەلەگەن قىزمەت تۇرلەرىنىڭ جانە تولەم كارتوچكالارىن پايدالانا وتىرىپ تولەمدەردى قابىلداۋعا ارنالعان جابدىق قولدانۋ تىزبەسىنە 14 قىزمەت ءتۇرى ەنگىزىلگەن.  

ول قىزمەت تۇرلەرىنە مىنالار كىرەدى:

1 اۆتوموبيلدەر مەن موتوتسيكلدەردى كوتەرمە جانە بولشەك ساۋدادا ساتۋ، ولاردى جوندەۋ جانە تەحنيكالىق قىزمەت كورسەتۋ

2 كوتەرمە جانە بولشەك ساۋدا

3 قوناقۇيلەردىڭ قىزمەت كورسەتۋى

4 مەيرامحانا قىزمەتتەرىن كورسەتۋ، تاماقتانۋدى ۇيىمداستىرۋدىڭ وزگە دە تۇرلەرى مەن سۋسىندار بەرۋ

5 اۋە جانە تەمىرجول كولىگىنە جول ءجۇرۋ قۇجاتتارىن (بيلەتتەردى)، 

باگاج جانە جۇك-باگاج تۇبىرتەكتەرىن ساتۋ

6 جۇكتەردى كولىكتىك وڭدەۋ، قويماعا جيناۋ مەن ساقتاۋ جونىندە قىزمەت 

كورسەتۋ، تاسىمالداۋ جونىندەگى قوسىمشا كورسەتىلەتىن قىزمەتتەر مەن 

جۇكتەردى تاسىمالداۋ جونىندەگى قىزمەتتەر

7 تۋريزم سالاسىندا كورسەتىلەتىن قىزمەتتەردى ۇسىناتىن تۋريستىك 

وپەراتورلاردىڭ جانە وزگە دە ۇيىمداردىڭ قىزمەتى 

(تۋريستىك اگەنتتەردەن باسقا)

8 ساقتاندىرۋ سالاسىنداعى قىزمەت

9 دەنساۋلىق ساقتاۋ سالاسىنداعى قىزمەت

10 ءبىلىم بەرۋ سالاسىنداعى قىزمەت

11 كينوفيلمدەردى، بەينە جانە تەلەۆيزيالىق باعدارلامالاردى تاراتۋ جونىندەگى قىزمەت، كينوفيلمدەردى كورسەتۋ

12 فيتنەس، سپورتتىق كلۋبتار، ديسكوتەكالار قىزمەتى

13 قۇمار ويىندارىن جانە ءباس تىگۋدى ۇيىمداستىرۋ جونىندەگى قىزمەت

14 بوۋلينگ (كەگەلبان) جانە بيليارد بويىنشا قىزمەت كورسەتۋ

- كورسەتىلگەن قىزمەت تۇرلەرىن جۇزەگە اسىراتىن جەرلەردە تولەم كارتوچكالارىن پايدالانۋ ارقىلى تولەمدەردى قابىلداۋعا ارنالعان قوندىرعى ورناتۋ مەن قولدانۋدى قامتاماسىز ەتۋ، سونداي-اق تولەم كارتوچكالارىن پايدالانا وتىرىپ قابىلداۋ ءوزى وندىرگەن اۋىل شارۋاشىلىعى ونىمدەرىنىڭ، ءوزى وندىرگەن بالىق ونىمدەرىنىڭ كوتەرمە جانە بولشەك ساۋداسى سالاسىندا كىزمەتىن جۇزەگە اسىراتىن دارا كاسىپكەرلەرگە نەمەسە زاڭدى تۇلعالارعا; ستاتسيونارلىق ەمەس ساۋدا وبەكتىلەرى ارقىلى جۇزەگە اسىرىلاتىن قىزمەتكە قولدانىلمايدى. بۇعان قوسا جاڭا جىلدان باستاپ بازارلاردا ساۋدا جاساپ كەلگەن كاسىپكەرلەر دە وسى جۇيەگە كوشكەن. ويتكەنى ولار پاتەنتتىك جۇيەدەن الىنىپ تاستالعان. سوندىقتان پوست تەرمينال ارقىلى تولەم جۇرگىزۋلەرى كەرەك، - دەدى شىمكەنت قالاسى بويىنشا كىرىستەر دەپارتامەنتىنىڭ مەملەكەتتىك قىزمەت كورسەتۋلەر باسقارماسىنىڭ باس مامانى گۇلجان شىراقباەۆا.

بانكتىك كارتاسى جوق ازاماتتار بانكتەرگە قوڭىراۋ شالۋ ارقىلى نەمەسە ونلاين تاپسىرىس بەرە الادى. دايىن كارتانى بانكتەر ۇيلەرىڭىزگە جەتكىزىپ بەرەدى. سوندىقتان بانكوماتتاعى اقشالارىڭىزدى شەشىپ الۋدىڭ اسا قاجەتتىلىگى جوق. ويتكەنى ۇيالى تەلەفون ارقىلى دا ساۋدا ورىندارى مەن اسحانالارعا تولەم جاساي الاسىز. وعان قوسا كاسىپكەرلەر ەكىنشى دەڭگەيلى بانكتەردەن پوست تەرمينال اشۋ ءۇشىن ەش قيىندىق جوق، دەيدى ماماندار. تولەم كارتاسىن قابىلدايتىن قۇرىلعى ورناتپاعان نىساندارعا اكىمشىلىك شارا قولدانىلاتىنى ايتىلدى.

 

شىمكەنت

 
سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار