ءساۋىردىڭ 6-ى كۇنى تسەلينوگراد اۋدانىندا تۇراتىن 1929 جىلعى ايەل ادام وپات بولدى. بۇل ايەل وسىنىڭ الدىندا ومىردەن وتكەن 1947 جىلعى ەر ادامنان جۇقتىرعان بولۋى مۇمكىن. كوروناۆيرۋس دەرتى ءساۋىردىڭ 7-ءى كۇنى زەرتحانادا انىقتالدى. مارقۇمنىڭ بىرنەشە سوزىلمالى دەرتى بار ەكەن. 2019 جىلدىڭ 1 ناۋرىزى كۇنى كارىلىكتەن جۇرەك سوعىسىندا وزگەرىستەر پايدا بولعان, ۇنەمى توسەك تارتىپ جاتقاندىقتان وكپەسى دە سىر بەرسە كەرەك. قايتار الدىندا دەمالۋى قيىنداپ, سوزىلمالى اۋرۋلار بەل الا باستاعان.
اعزاسىندا كوروناۆيرۋس دەرتى بار سىرقاتتار وبلىستاعى اۋرۋحانالاردا جانە نۇر-سۇلتان قالاسىنداعى №3 قالالىق اۋرۋحانانىڭ ينفەكتسيا بولىمىندە ەمدەلۋدە. قازىرگى تاڭدا وبلىس اۋرۋحانالارىنا 372 سىرقات جاتقىزىلعان. كوروناۆيرۋس دەرتىنە تسەلينوگراد اۋدانىندا 36, ارشالى اۋدانىندا 3, نۇر-سۇلتان قالاسىندا 3, كوكشەتاۋ قالاسىندا 1 ادامنىڭ دۋشار بولعاندىعى انىقتالىپ وتىر.
اقمولا وبلىسى
