ايماقتار • 08 ءساۋىر، 2020

قارعىن سۋ بالكاشيندى باسىپ قالدى

35 رەتكورسەتىلدى

اق قار، كوك مۇزىنىڭ كوبەسى سوگىلە قويماعان اقمولا  وڭىرىنە دە كوكتەمگى قاربالاس كەلدى. بۇگىن جاباي وزەنى تاسىپ جاتىر.

ساندىقتاۋ اۋدانىنىڭ ورتالىعى بالكاشين سەلوسىنا وزەن اڭعارىنان اسىپ اقتارىلا اققان قىزىل سۋ ەنىپ ۇلگەردى. ونداعان  ءبىر قاباتتى تۇرعىن ۇيلەر سۋ استىندا قالدى. ازىرگە ىرگەتاستىڭ عانا دەڭگەيىندە. وزەن جاڭا عانا تاسىپ جاتىر. ارىدان قۇيىلعان قارعىن سۋ مولايسا، قاۋىپ تە ەسەلەنە تۇسپەك. توتەنشە جاعدايلار دەپارتامەنتىنىڭ جەدەل وتريادى ىلە جەتىپ، 2000 تەكشە مەترگە جۋىق سۋدى اعىزىپ ۇلگەردى. وزەندەگى كەپتەلگەن مۇزدى جارىپ، قارعىن سۋعا جول اشۋ جۇمىستارى جۇرگىزىلۋدە.

بۇلاندى اۋدانىندا دا قىزىل سۋدان قاۋىپ كۇشەيىپ تۇر. مات وزەنىندەگى كوپىر ماڭىنا سەڭ جينالىپ، اعىن سۋعا بوگەت بولۋدا. بۇل ماڭدا دا ارناسىن تاپپاعان اعىن سۋ لىقىلداپ تۇر. كوپىر ارقىلى وتەتىن اينالما دالا جولى ازىرگە جابىق.

كەشەگى داۋىلدان سوڭ قىلامىقتاپ قار جاۋىپ، كۇن سالقىندادى. سۋدىڭ قاتۋى تاسقىننىڭ بەتىن قايتارۋعا ءسال دە بولسا توسقاۋىل بولىپ تۇرعان جايى بار.

 

ساندىقتاۋ اۋدانى،

اقمولا وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار