ايماقتار • 08 ءساۋىر، 2020

باس دارىگەر تالابى: قوناققا بارماڭىز، قوناق شاقىرماڭىز!

63 رەتكورسەتىلدى

كەشە وبلىستىڭ باس سانيتاريالىق دارىگەرىنىڭ № 7 قاۋلىسى قابىلداندى. وسىعان دەيىنگى كارانتيندىك شارالار كۇشەيتىلىپ، كەيبىر شەكتەۋلەر تالابى قاتايا ءتۇستى. ويتپەسكە تاعى بولماي تۇر – وڭىردە دەرت جۇقتىرعانداردىڭ قاتارى ءسات ساناپ ءوسىپ بارادى.

جاڭا قاۋلىعا بايلانىستى وبلىستىق تاۋارلار، قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى، ايماقتىڭ باس سانيتاريالىق دارىگەرى ءاليا ابدىقايىموۆا وڭىرلىك كوممۋنيكاتسيالار قىزمەتىندە ونلاين بريفينگ وتكىزدى. وبلىستا تىركەلگەن ناۋقاستاردىڭ شامامەن 60-70 پروتسەنتى جاستار ەكەن. بۇل نەگىزىنەن دارىگەرلەردىڭ ەسكەرتۋىنە قۇلاق اسپاي، ساۋىق كەشىن ۇيىمداستىرۋدان بولىپ وتىر.   

- توپتىق جاعدايلار كوپتەپ تىركەلىپ جاتىر. ءبىر اۋىلدان 25 سىرقات شىقتى. اۋرۋدىڭ الدىن الۋ شارالارىن قاتاڭداتاتىن جاڭا قاۋلى بويىنشا كوشەدە توپتاسىپ جۇرۋگە تىيىم سالىنىپ وتىر. ءۇي كارانتينىن ساقتاڭىزدار! قوناققا بارماڭىزدار، قوناق شاقىرماڭىزدار، - دەدى ول.

ءتىپتى، ءولىم-ءجىتىم جاعدايىندا جينالۋعا شەكتەۋ قويىلدى. ويتكەنى ساقتىق شارالارىنىڭ بۇزىلۋىنان وڭىردە ەپيدەميولوگيالىق احۋال ودان سايىن ءورشۋى مۇمكىن. قازىر قىزىلوردا ەلىمىز بويىنشا اۋرۋ سانى جونىنەن الدىڭعى ءۇش وبلىستىڭ قاتارىندا تۇر.

 

قىزىلوردا وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار