ايماقتار • 08 ءساۋىر، 2020

داۋىل «دەرتىمىزدى» انىقتاپ بەردى

58 رەتكورسەتىلدى

قىس بويى الەۋمەتتىك جەلىلەر ارقىلى تاراتىلاتىن ساقتاندىرۋ حابارلارىنا ەتى ۇيرەنگەن كوكشەتاۋلىقتار بۇل جولى ونشالىقتى سەلت ەتە قويعان جوق. كەشەگى داۋىل سەكۋندىنا 30 مەتر جىلدامدىقپەن سوقتى. ءۇي شاتىرلارى سوگىلىپ، ايالدامالار قۇلادى. وقىس وقيعانىڭ اسەرىنەن ءبىر ادام قايتىس بولىپ، 22 ادام زارداپ شەكتى. 

جەل ەكپىنى سۇراپىل سۇمدىق بولدى. كادىمگى قازاقتىڭ «ەكپىنى ءۇي جىققانداي» دەيتىن تەڭەۋى وسىندايدا ايتىلاتىن شىعار. ءۇي جىقپاعانىمەن، شاتىرىن جىقتى، جارناما ورناتىلعان باعانالاردى قۇلاتتى. ءبىز وقىس وقيعاعا دايىن ەمەس ەكەنبىز. وقيعانىڭ سالدارى وسىنداي ويعا جەتەلەيدى. شاتىر ج ۇلىندى، ايالداما اۋدارىلدى. كوپشىلىگى سوڭعى جىلدارى عانا سالىنعان جاپ-جاڭا دۇنيە. شيىرىپ ايتقاندا، داۋىل «دەرتىمىزدىڭ» قاي جەردە ەكەنىن انىقتاپ بەردى. وبلىس بويىنشا 22 ادام زارداپ شەكتى. ونىڭ بىرەۋىنە وتا جاسالىپ، اۋىر حالدە جاتىر. 17 ادام اۋرۋحاناعا ءتۇستى. ونىڭ 8-ءى باس جاراقاتىن العان. ساندىقتاۋ اۋداندىق اۋرۋحاناسىنا 2013 جىلى تۋعان بالا جەتكىزىلدى. داۋىل اسەرىنەن زارداپ شەككەن ءبىر ادام زەرەندى اۋداندىق اۋرۋحاناسىنا جاتقىزىلسا، ەكى ادام ەسىل اۋداندىق اۋرۋحاناسىنا تۇسكەن.

وبلىس ورتالىعىندا ءتورت عيماراتتىڭ شاتىرى ج ۇلىندى. ونىڭ ەكەۋى اكىمشىلىك عيماراتى. ون ايالداما مەن ءتورت جارناما باعاناسى توڭكەرىلىپ قالدى. كراسنويار سەلوسىندا ءۇش تۇرعىن ءۇي ءب ۇلىندى. قالا جانىنداعى ستانتسيوننىي پوسەلكەسىندە ايالداما اۋدارىلدى. 2600-گە جۋىق قالا تۇرعىنى جارىقسىز قالدى. قازىرگى كۇنى دولى جەلدىڭ سالدارىنان بولعان اقاۋلار قالپىنا كەلتىرىلۋدە. بۇل جۇمىسقا قالالىق ەلەكتر جەلىسى كاسىپورنىنىڭ ونعا جۋىق تەحنيكاسى مەن 25 مامان جۇمىلدىرىلعان. كوكشەتاۋ قالاسىندا قالالىق كوممۋنالدىق قىزمەت، قالالىق توتەنشە جاعدايلار باسقارماسى توتەننەن كەلگەن توسىن جايدىڭ زارداپتارىن جويۋعا جۇمىلدىرىلدى.

جەدەل جاردەم قىزمەتىنە 8 ادام جۇگىنگەن. ورتالىقتاعى كوشەلەردىڭ بىرىندە ايالداما پاۆيلونى قۇلاپ، 1942 جىلى تۋعان ەر ادامدى باسىپ قالعان. كەۋدە سۇيەگىنە زاقىم كەلگەن زارداپ شەگۋشىگە مەديتسينالىق قىزمەت كورسەتىلگەن. تەمىر جول ۆوكزالى ماڭىنداعى ايالداما 1976 جىلعى ايەلدىڭ ۇستىنە قۇلاعان. جولاۋشى ايەل بىرنەشە دەنە جاراقاتىن العان. داۋىل قۇلاتقان شاتىرلار مەن ايالداما قاڭقالارى بىرنەشە ادامدى مەرتىكتىرىپ، الدەنەشە اۆتوكولىكتەرگە زاقىم كەلتىرگەن.

بۋراباي اۋدانىنىڭ ۇرىمقاي اۋىلىندا قايعىلى وقيعا ورىن الدى. جەرگىلىكتى اۋىل شارۋاشىلىعى قۇرىلىمىنىڭ جۇمىسشىسى قۇلاعان شاتىردىڭ استىندا قالىپ، كوز جۇمدى.

قازىر وبلىس اۋماعىندا كەشەگى داۋىلدىڭ كەساپاتى جويىلىپ، قالپىنا كەلتىرىلۋدە. ءبىر ايتا كەتەرلىگى، كوپ قاباتتى تۇرعىن ۇيلەردىڭ شاتىرلارى سوڭعى جىلدارى عانا سالىنعان. تۇرعىن ءۇي-كوممۋنالدىق شارۋاشىلىعىنىڭ تۇرعىن ۇيلەردى جاڭعىرتۋ باعدارلاماسى بويىنشا. قالا تۇرعىندارىنىڭ ساپاسىز جۇمىس ىستەگەن قۇرىلىسشىلارعا وكپەسى قارا قازانداي. 

 

اقمولا وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار