سپورت • 08 ءساۋىر، 2020

«قايرات» فۋتبول كلۋبى ويىنشىلارىنىڭ ەڭبەكاقىسى 50% قىسقاردى

18 رەتكورسەتىلدى

فۋتبولدان الماتىنىڭ «قايرات» كلۋبىنىڭ ويىنشىلارى مەن باپكەرلەرى جانە شتاتتاعى قىزمەتكەرلەرىنىڭ بارلىعىنىڭ دا ءساۋىر ايىنداعى ەڭبەكاقىلارى 50% قىسقاردى. 

بۇگىنگى تاڭدا بارشا جۇرت كوروناۆيرۋس دەپ دۇرلىگىپ جاتقان تۇستا بۇل ءبىر قۇپتارلىق ءىس بولدى. ەڭ باستىسى، وسىنداي قادامعا بارۋ قاجەتتىگى جايىندا باستاما كوتەرگەن فۋتبولشىلار مەن باپكەرلەردىڭ وزدەرى ەكەن. ولاردىڭ بۇل شەشىمىن باسشىلىقتان باستاپ، قاتارداعى قىزمەتكەرلەرگە دەيىن ءبىراۋىزدان  قولدادى.

­– قازىرگى كەزدە كۇللى الەم جۇرتشىلىعى اسا قيىن كەزەڭگە تاپ بولىپ وتىر. كوروناۆيرۋس بارلىعىمىزدىڭ ۇرەيىمىزدى الدى. قالالار كارانتيگە جابىلدى. بيزنەستەن بەرەكە كەتتى. سپورتتىق سايىستار توقتاتىلدى. ءبىزدىڭ دە دوپ تەپپەگەنىمىزگە ءبىراز ۋاقىت بولدى. وسىنداي قيىن-قىستاۋ كەزەڭدە بارلىعىمىز ءبىر جۇدىرىق بولىپ جۇمىلۋىمىز كەرەك. «قايرات» كلۋبىنىڭ باسشىلىعى اركەز ءوز ويىنشىلارىنا قولداۋ كورسەتىپ كەلەدى. ال ءار جاقسىلىقتىڭ قايتارىمى بولۋى كەرەك. ءبىز دە ءوز تاراپىمىزدان سانالى تۇردە وسىنداي قادامعا بارۋدى ءجون كوردىك. جاقىن ارادا ىندەت سەيىلىپ، ءبارى دە ءوز قالپىنا كەلەتىنىنە سەنىمدىمىن. ەل چەمپيوناتى تەزىرەك ءوز جالعاسىن تاپسا ەكەن. شىنى كەرەك، بارلىعىمىز فۋتبولدى قاتتى ساعىنىپ قالدىق، – دەيدى «قايراتتىڭ» قورعاۋشىسى رادە دۋگاليچ.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار