شۆەيتساريانىڭ شايبالى حوككەي تاريحىندا ونىڭ ەسىمى التىن ارىپتەرمەن جازۋلى. رودجەر ءوز ەلىنىڭ ۇلتتىق قۇراماسى ساپىندا 101 ويىن وتكىزىپ, 1964 جىلى وليمپيا ويىندارىندا جانە ءۇش الەم چەمپيوناتىندا باق سىنادى. تالاي ماڭىزدى ماتچتاردا ءوز كومانداسىن ورگە سۇيرەپ, جەڭىسكە جەتۋىنە سۇبەلى ۇلەس قوستى.
بيىل كۇزدە 80 جىلدىق مەرەيتويىن تويلاعالى وتىرعان رودجەر شاپپو 20-23 ناۋرىز ارالىعىندا اۋرۋحانادا ەم-دوم الدى. سىرقاتتىڭ بەتى بەرى قاراعاننان كەيىن ۇيىنە قايتارىلدى. الايدا ءساۋىر ايىنىڭ باسىندا قاريانىڭ جاعدايى قايتا ناشارلاپ, جانساقتاۋ بولىمىنە ءتۇستى. سول جەردە ءبىر اپتاداي جاتقان ول قايتىس بولدى.
