ەلباسى • 08 ءساۋىر، 2020

ن. نازارباەۆ: ەلىمىزدىڭ ەڭ ۇلكەن بايلىعى – ادام مەن ونىڭ ءومىرى

118 رەتكورسەتىلدى

نۇرسۇلتان نازارباەۆ «Egemen Qazaqstan» گازەتىنىڭ بۇگىنگى سانىندا جاريالانعان ماقالاسىندا ۇلت دەنساۋلىعى – مەملەكەت قاۋىپسىزدىگىنىڭ قۇرامداس بولىگى ەكەنىن اتاپ ءوتتى.

«ەلىمىزدىڭ ەڭ ۇلكەن بايلىعى – ادام مەن ونىڭ ءومىرى بولعاندىقتان، ءاربىر ادام ءوزىنىڭ، وتباسىنىڭ، اتا-اناسى مەن بالا-شاعاسىنىڭ ومىرىنە، دەنساۋلىعىنا زور جاناشىرلىقپەن، ەرەكشە جاۋاپكەرشىلىكپەن قاراۋى كەرەك. ويتكەنى، ۇلت دەنساۋلىعى – مەملەكەت قاۋىپسىزدىگىنىڭ قۇرامداس بولىگى.ء دال وسى تۇستا بارىمىزگە حالقىمىزدىڭ اردايىم ۇلكەنگە – قۇرمەت كورسەتىپ، كىشىگە – قامقور بولاتىن ابزال قاسيەتتەرى سەپتىگىن تيگىزەدى دەپ سەنەمىن» دەلىنگەن ەلباسى ماقالاسىندا.

ەلباسى قيىن جاعدايدا كومەككە مۇقتاج جانداردى قولداۋعا شاقىردى.

«ادامنىڭ وزىنە دەگەن سەنىمى – ۇلكەن كۇش. بۇل بويىمىزعا – قاجىر، دەنەمىزگە – قۋات، جۇرەگىمىزگە سەنىم ۇيالاتادى. ءبىز قازىر كومەككە اسا مۇقتاج قاريالاردى، ارداگەرلەرىمىزدى، كوپبالالى انالاردى، ءال-اۋقاتى تومەندەردى، جۇمىسقا جارامسىز جانداردى ەرەكشە قامقورلىققا الۋىمىز كەرەك. حالقىمىزدىڭ بويىنداعى ۇرپاقتان ۇرپاققا ۇزىلمەي جەتكەن ەڭ ىزگى قاسيەتتەر ءبىزدى وسىعان ۇندەيدى»،- دەدى نۇرسۇلتان نازارباەۆ.

سوڭعى جاڭالىقتار

ۇقساس جاڭالىقتار