2013 جىلعى 30 مامىر, استانا قالاسى
«عىلىمي دارەجەلەر بەرۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى № 127 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
بۇيىرامىن:
1. «عىلىمي دارەجەلەر بەرۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى № 127 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6951 تىركەلگەن, «ەگەمەن قازاقستان» گازەتىنىڭ 2011 جىلعى 20 مامىرداعى № 207-210 (26612) سانىندا جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن عىلىمي دارەجەلەر بەرۋ ەرەجەسىندە:
7-تارماق مىناداي رەداكتسيادا جازىلسىن:
«7. ديسسەرتاتسيانىڭ نەگىزگى مازمۇنى عىلىمي, عىلىمي-ساراپتاۋ جانە عىلىمي-پراكتيكالىق باسىلىمداردا جاريالانۋى ءتيىس.
فيلوسوفيا دوكتورى (PhD), بەيىنى بويىنشا دوكتور عىلىمي دارەجەلەرىنە ۇسىنىلعان ديسسەرتاتسيانىڭ عىلىمي ناتيجەلەرى كەم دەگەندە 7 (جەتى) جاريالانىمدا, ونىڭ ىشىندە كەم دەگەندە 3 (ۇشەۋى) ۋاكىلەتتى ورگان ۇسىناتىن عىلىمي باسىلىمداردا, 1 (بىرەۋى) تومسون رەيتەر (ISI Web of Knowledge, Thomson Reuters) كومپانياسىنىڭ اقپاراتتىق بازاسىنىڭ دەرەكتەرى بويىنشا نولدىك ەمەس يمپاكت-فاكتورعا يە نەمەسە Scopus كومپانياسىنىڭ دەرەكتەر بازاسىنا كىرەتىن حالىقارالىق عىلىمي جۋرنالدا, 3 (ۇشەۋى) حالىقارالىق كونفەرەنتسيا ماتەريالىندا, ونىڭ ىشىندە 1 (بىرەۋى) شەتەلدىك كونفەرەنتسيا ماتەريالىندا جاريالانۋى ءتيىس.
مەملەكەتتىك قۇپيالارى بار ديسسەرتاتسيا قورعالعان جاعدايدا شەت ەلدىك عىلىمي جۋرنالداعى جاريالانىمنىڭ ورنىنا ۋاكىلەتتى ورگان ۇسىنعان عىلىمي باسىلىمداعى جاريالانىم ەسەپتەلەدى.
شەتەلدە العان عىلىمي دارەجەسىنىڭ بالامالىلىعىن تانۋعا قۇجاتتارىن ۇسىنعان تۇلعالار ءۇشىن اتتەستاتسيالىق ءىسى كوميتەتكە ۇسىنىلعان مەرزىمگە دەيىن جاريالانعان عىلىمي ەڭبەكتەر ەسكەرىلەدى. بۇل رەتتە ديسسەرتاتسيا تاقىرىبى بويىنشا كەمىندە 7 (جەتى) جاريالانىمى, ونىڭ ىشىندە كەمىندە دەگەندە 3 (ۇشەۋى) ۋاكىلەتتى ورگان ۇسىناتىن عىلىمي باسىلىمداردا نەمەسە 3 (ۇشەۋى) ديسسەرتاتسيا قورعالعان ەلدىڭ عىلىمي باسىلىمدارىندا, 1 (بىرەۋى) تومسون رەيتەر (ISI Web of Knowledge, Thomson Reuters) كومپانياسىنىڭ اقپاراتتىق بازاسىنىڭ دەرەكتەرى بويىنشا نولدىك ەمەس يمپاكت-فاكتورعا يە نەمەسە Scopus كومپانياسىنىڭ دەرەكتەر بازاسىنا كىرەتىن حالىقارالىق عىلىمي باسىلىمدا جانە 3 (ۇشەۋى) حالىقارالىق كونفەرەنتسيا ماتەريالدارىندا, ونىڭ ىشىندە 1 (بىرەۋى) شەتەلدىك كونفەرەنتسيا ماتەريالدارىندا (قازاقستان رەسپۋبليكاسىندا جانە (نەمەسە) ديسسەرتاتسيا قورعالعان ەلدە وتكىزىلمەگەن) جاريالانۋى ءتيىس.»;
8-تارماقتىڭ ەكىنشى بولىگى مىناداي رەداكتسيادا جازىلسىن:
«دوكتورانت اۆتورى مەن دەرەككوزىن كورسەتپەي بوتەن ماتەريالدى پايدالانعان جاعدايدا ديسسەرتاتسيالىق كەڭەس نەمەسە كوميتەت تەرىس شەشىم قابىلدايدى.»;
10-تارماقتىڭ ءبىرىنشى بولىگى مىناداي رەداكتسيادا جازىلسىن:
«10. اتتەستاتسيالىق ىستەرىنىڭ قارالۋ مەرزىمى كوميتەتكە كەلىپ تىركەلگەن كۇنىنەن باستاپ 4 ء(تورت) ايدى قۇرايدى. اتتەستاتسيالىق ىستەر قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى №126 بۇيرىعىمەن بەكىتىلگەن جانە نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6929 بولىپ تىركەلگەن ديسسەرتاتسيالىق كەڭەس تۋرالى ۇلگى ەرەجەنىڭ (بۇدان ءارى - ديسسەرتاتسيالىق كەڭەس تۋرالى ۇلگى ەرەجە) 20-تارماعىنىڭ جانە وسى ەرەجەنىڭ 22-تارماعىنىڭ تالاپتارىنا سايكەس كەلمەسە, سونداي-اق كوميتەت اتتەستاتسيالىق ءىستىڭ قۇجاتتارى بويىنشا مالىمەتتەردى سۇراسا, اتتەستاتسيالىق ءىستى قاراۋ مەرزىمى 1 ء(بىر) ايعا سوزىلادى. قاراۋ مەرزىمى سوزىلعانى تۋرالى كوميتەت دوكتورانتقا نەمەسە ارىزدانۋشىعا سوزىلعان كۇننەن باستاپ 7 (جەتى) جۇمىس كۇن ىشىندە حابارلايدى»;
14-تارماق مىناداي رەداكتسيادا جازىلسىن:
«14. ساراپتاۋ كەڭەسىنىڭ وتىرىسى بەكىتىلگەن قۇرامنىڭ 2/3-سىنەن (ۇشتەن ەكىسىنەن) كەم بولماعان جاعدايدا قۇقىلى بولىپ سانالادى.
ەگەر اشىق داۋىس بەرۋ كەزىندە كەڭەس مۇشەلەرىنىڭ جارتىسىنان كوبى داۋىس بەرسە, قورىتىندىلار مەن ۇسىنىمدار قابىلدانعان بولىپ ەسەپتەلەدى جانە ولارعا توراعالىق ەتۋشى, كەڭەستىڭ عالىم حاتشىسى قول قويادى. داۋىستار تەڭ بولعان جاعدايدا ساراپتاۋ كەڭەسى توراعاسىنىڭ داۋىسى شەشۋشى بولىپ تابىلادى.
ساراپتاۋ كەڭەسى مۇشەلەرىنىڭ قاتىسۋى وسى ەرەجەگە 2-قوسىمشاعا سايكەس كەلۋ پاراعىمەن راستالادى.»;
مىناداي مازمۇنداعى 16-1-تارماقپەن تولىقتىرىلسىن:
«16-1. وسى ەرەجەنىڭ 5-8 تارماقتارىنىڭ تالاپتارىنا سايكەس بولماعاندىقتان فيلوسوفيا دوكتورى (PhD), بەيىنى بويىنشا دوكتور عىلىمي دارەجەلەرىن بەرۋدەن باس تارتىلعان نەمەسە اتتەستاتسيالىق ءىستى كوميتەت قايتارعان جاعدايدا دوكتورانت ديسسەرتاتسيانى كەم دەگەندە ءبىر جىلدان كەيىن قايتا قورعاۋعا ۇسىنادى.»;
20 جانە 21-تارماقتار مىناداي رەداكتسيادا جازىلسىن:
«20. قازاقستان رەسپۋبليكاسى ازاماتتارىنىڭ, شەتەلدىك
