سپورت • 07 ءساۋىر، 2020

ۇستەل تەننيسىنەن الەم چەمپيوناتى كۇزدە وتەدى

10 رەتكورسەتىلدى

كوروناۆيرۋسكە بايلانىستى كەيىنگە شەگەرىلگەن ۇستەل تەننيسىنەن كوماندالىق الەم چەمپيوناتى ۇستىمىزدەگى جىلدىڭ 27 قىركۇيەگى مەن 4 قازان ارالىعىندا وڭتۇستىك كورەيانىڭ پۋسان قالاسىندا وتەدى دەپ جوسپارلانۋدا. 

ۇلتتىق قۇرامالار اراسىنداعى الەمدىك دودا سوناۋ 1926 جىلدان بەرى ۇيىمداستىرىلىپ كەلەدى. العاشقى كەزدەرى ەۋروپا وكىلدەرىنىڭ مىسى باسىم بولسا، كەيىننەن ازيالىقتار الدارىنا جان سالمادى. تارقاتىپ ايتساق، 1926-1955 جىلدار ارالىعىندا ۆەنگريا قۇراماسى 10 رەت توپ جارسا، چەحيانىڭ ۇستەل تەننيسشىلەرى التى مارتە توپ جاردى. اۆستريا، اقش جانە انگليانىڭ ورەندەرى ءبىر-ءبىر رەتتەن جەڭىمپاز اتاندى.

1954 پەن 2018 جىلدار ارالىعىندا شۆەتسيا ءتورت جانە ۆەنگريانىڭ ءبىر رەت باس جۇلدەنى ولجالادى. وزگە جارىستاردىڭ بارلىعىندا ازيا قۇرلىعىندا ورنالاقسان مەملەكەتتەرىنىڭ سايىپقىراندارى ۇستەمدىك قۇردى. سول ارالىقتا قىتايدىڭ قىراندارى 21 مارتە تەڭدەسسىز دەپ تانىلسا، جاپونيانىڭ جامپوزدارى جەتى رەت دارا شىقتى.

سونداي-اق سوڭعى توعىز كوماندالىق الەم چەمپيوناتىندا اسپاناستى ەلىنىڭ ۇستەل تەننيسشىلەرى ەشكىمگە ەسە جىبەرگەن جوق.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار