سپورت • 07 ءساۋىر، 2020

ەسكەندىر نۇعىمانوۆ نورۆەگيانىڭ ەڭ ۇزدىك بەنديشىسى دەپ تانىلدى

15 رەتكورسەتىلدى

دوپتى حوككەيدەن نورۆەگيا بىرىنشىلىگىندە ورەلى ونەرىمەن كوزگە ءتۇسىپ جۇرگەن قانداسىمىز ەسكەندىر نۇعىمانوۆ سول جارىستىڭ ەڭ ۇزدىك ويىنشىسى دەپ تانىلدى.  

29 جاستاعى باتىس قازاقستان وبلىسىنىڭ تۋماسى بەنديدەن وتكەن تالاي بايراقتى باسەكەدە مول ولجاعا كەنەلگەنىن جانكۇيەرلەر جاقسى بىلەدى. كەزىندە ورالدىڭ «اق جايىق»، كراسنوگورسكىنىڭ «زوركي-2»، تومەنگى نوۆگورودتىڭ «ستارت» جانە بەرۋمنىڭ «حەۆيك» كلۋبتارىندا جاسىنداي جارقىراعان نۇعىمانوۆ ەلىمىزدىڭ ۇلتتىق قۇراماسى ساپىندا ەكى رەت الەم چەمپيوناتىنىڭ قولا جۇلدەگەرى جانە ازيا ويىندارىنىڭ جەڭىمپازى اتاندى.

بۇل كۇندەرى قازاق جىگىتى نورۆەگيانىڭ «رەدي» كلۋبىنىڭ نامىسىن قورعاۋدا. بۇل كوماندا ايتۋلى بىرىنشىلىكتىڭ بيىلعى ماۋسىمىندا باس جۇلدەنى ولجالاسا، قانداسىمىز ەڭ ۇزدىك ويىنشىعا تيەسلى سىيلىقتى يەلەندى.

تاعى ءبىر ايتا كەتەرلىگى، ەسكەندىردىڭ اكەسى دە كەزىندە مىقتى بەنديشى بولدى. سپورتتىق مانسابىن ورالدىڭ «گەولوگىندا» باستاعان 57 جاستاعى ساكەن نۇعىمانوۆ سەكسەنىنشى جىلدارىسانكت-پەتەربۋرگتىڭ «كراسنايا زارياسى» مەن الماتىنىڭ «ديناموسىندا» ونەر كورسەتتى. ەلىمىزدىڭ تاۋەلسىزدىك العاننان كەيىن قازاقستان قۇراماسى ساپىندا الەم چەمپيوناتتارىنا قاتىستى. كەيىننەن باپكەرلىكتىڭ قامىتىن كيدى.       

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار