ەل ىشىندە ەتەك الىپ كەلە جاتقان ىندەتتەن اراشالايتىن قورعانىس قۇرالدارىنىڭ تاپشى ەكەندىگى بەلگىلى. وبلىس ورتالىعىنداعى «كوكشەتاۋ مينەرالدى سۋلارى» سەرىكتەستىگى انتيسەپتيك ۇلگىسىندەگى ۆيرۋستان قورعايتىن جاڭا ءونىم شىعارا باستادى.
كاسىپورىن باسشىلارىنىڭ ايتۋىنا قاراعاندا, جاڭا ءونىم شىعارۋ ءبىرشاما قيىندىق تۋعىزادى. الدىمەن قوسىمشا قاراجات قاجەت. بۇرىن مۇنداي ءونىم شىعارماعاندىقتان قۇرال-جابدىقتى جاڭعىرتۋعا تۋرا كەلەدى.
–ايتسە دە, وتانداستارىمىزدىڭ دەنساۋلىعى بارىنەن قىمبات, – دەيدى جاڭا ءونىمدى شىعارۋشىلار.
«اسەپتدەزين» قۇرامىندا ءسپيرتى بار جاڭا ءونىم. ول دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسى بويىنشا دايىندالىپ وتىر. ءونىمنىڭ قۇرامىنداعى سپيرت قۇرامى 70 پروتسەنتتەن كەم ەمەس. تەرىنى جۇمسارتۋ ءۇشىن گليتسەرين قوسىلعان.
كاسىپكەرلەردىڭ ەل جايىن ويلاعان جاقسى نيەتىنەن تۋعان وڭدى وي ساتىمەن ساباقتالىپ, جاڭا ءونىم جاماعاتقا جول تارتتى.
