كاسىپقوي بوكس • 06 ءساۋىر، 2020

مما: حابيب نۇرماگومەدوۆتى الماستىرادى

25 رەتكورسەتىلدى

18 ساۋىردە اقش-تىڭ نيۋ-يورك قالاسىندا ەرەجەسىز جەكپە-جەكتەن وتەتىن UFC تۋرنيرىندە حابيب نۇرماگومەدوۆ پەن امەريكالىق توني فەرگيۋسون ايقاسۋعا ءتيىس ەدى.

الايدا كوروناۆيرۋسكە بايلانىستى داعىستاننىڭ مىقتىسى ءوز وتانىنان شىعا الماي قالدى. وسى جاعدايعا وراي كوپتەگەن مامان مەن باپكەرلەر، سپورتشىلار الەۋمەتتىك جەلىلەر ارقىلى ءوز پىكىرلەرىن ءبىلدىرىپ، جوعارىداعى اڭگىمەنى سان-ساققا جۇگىرتتى. ال فەرگيۋسون بولسا، «حابيب مەنەن قورىقتى» دەپ جەر جاھانعا جار سالدى.

بۇل ميلليونداعان جانكۇيەر تاعاتسىزدانا كۇتكەن جەكپە-جەك ەدى. سەبەبى، بۇگىنگى تاڭدا جەڭىل سالماقتاعى ەڭ مىقتى سپورتشىلار - وسىلار. حابيب ءوزىنىڭ كارەراسىندا ەشكىمنەن جەڭىلگەن ەمەس. قازىر ول UFC-ءدىڭ چەمپيوندىق اتاعىن يەلەنۋدە. ءتونيدىڭ دە جەڭىلىستىڭ كەرمەك ءدامىن تاتپاعانىنا تالاي جىلدىڭ ءجۇزى بولدى. اقش وكىلى التىن بەلبەۋ ءۇشىن تالاسۋعا لايىق ەكەنىن ءتۇرلى ءدۇبىرلى دودالاردا سان مارتە دالەلدەدى. وسىلايشا، قوس ساڭلاق اراسىندا جوسپارلانعان جەكپە-جەك بەسىنشى رەت وتپەي قالدى.  

بۇگىن UFC-دىڭ قوجايىنى دەينا ۋايت بۇل ءتۋرنيردىڭ مىندەتتى تۇردە وتەتىنىن مالىمدەپ، توني فەرگيۋسوننىڭ كىممەن ايقاساتىنىن ەرتەڭ جاريا ەتەتىنىن ايتتى. دەسەك تە جانكۇيەرلەر نيۋ-يوركتەگى ءتۋرنيردىڭ باستى جەكپە-جەگىندە كىمنىڭ ونەر كورسەتىنىن قازىردىڭ وزىندە ءبىلىپ وتىر. كوپشىلىكتىڭ پايىمداۋىنشا، ول – اقش سپورتشىسى دجاستين گەتجي.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار