كىتاپتىڭ ەكى ءتۇرلى نۇسقاسى بار. ءبىرى قاعاز تۇرىندە بولسا, ەكىنشىسىن وقىرمان كەز كەلگەن قاشىقتان قولجەتىمدى ۇلگىدە, ەلەكتروندى كىتاپ تۇرىندە وقي الادى. تاعى ءبىر ايرىقشا اتاپ وتەرلىك جايت, ول الداعى ۋاقىتتا ايگىلى امازون جۇيەسى ارقىلى بۇكىل اعىلشىن ءتىلدى الەمگە تاراتىلماق. بۇل تۋرالى اقپارات بريۋسسەل گازەتتەرىندە جارىق كوردى.
«كىتاپتى اۋدارىپ, باسىپ شىعارۋعا قارجىلاي دەمەۋشىلىك ەتكەن جومارت وماروۆ پەن باقىتجان تىلەۋباەۆ باۋىرلارىما العىسىم شەكسىز.
ايتپاقشى, قازاق تىلىنە اۋدارىلىپ, شىعارمالار جيناعىمنىڭ 16-تومىنا ەنگىزىلگەن بۇل تۋىندىلارىمدى كوپشىلىك وقىرمان كازنەب جانە ادەبي پورتالدان وقۋلارىنا بولادى» دەيدى اۆتور.
كىتاپتاردىڭ تانىستىرىلىمى 1-6 قازان ارالىعىندا لوندونداعى ادەبيەت اپتالىعى اياسىندا, مادريد قالاسىنداعى «Open EurasianLiteratureFestivalandBookForum» حالىقارالىق ادەبيەت فەستيۆالىندە وتەدى دەپ كۇتىلۋدە.
«سكاز ستولەتنەگو ستەپنياكا» رومانىن اعىلشىن تىلىنە اۋدارعان – ەۋرازيا شىعارماشىلىق گيلدياسىنىڭ بەلدى مۇشەسى دجوناتان كامپيون, ال رەداكتورى – ۇلىبريتانيانىڭ تانىمال جازۋشىسى ءارى اۋدارماشى كەرولاين ۋولتون. اعىلشىنتىلدى وقىرمانعا تىڭ تۋىندىلاردى جەتكىزۋشى بريتاندىق «HertfordshirePress» باسپاسىنان بۇعان دەيىن دە قازاقستان جازۋشىلارىنىڭ 50-دەن استام كىتابى جارىق كورگەن.
