YouTube كانالى ارقىلى وبلىستىق فيلارمونيانىڭ قىزعىلىقتى كونتسەرتتەرىن, ش.قۇسايىنوۆ اتىنداعى قازاق مۋزىكالىق-دراما تەاترىنىڭ «تەاتر ءسىزدىڭ ۇيىڭىزدە», وبلىس ورتالىعىنداعى «كوكشەتاۋ» مادەنيەت سارايىنىڭ «شىعارماشىلىقتا شەكارا جوق» جوبالارى بويىنشا دايىندالعان قىزعىلىقتى كورسەتىلىمدەردى تاماشالاۋعا مۇمكىندىك الىپ وتىر. سونداي-اق, وبلىستىق تاريحي-ولكەتانۋ مۇراجايىنداعى جادىگەرلەرمەن دە تانىسا الادى. ال, وبلىستىق كىتاپحانا ۇجىمى بولسا, «جاندى كىتاپ» جوباسى ارقىلى كوركەم ادەبيەتتى قۇلاي سۇيەتىن وقىرمان قاۋىمعا قىزمەت ەتەدى. ءبىر ايتا كەتەرلىگى, كىتاپحانا قىزمەتكەرلەرى وزدەرىنىڭ ەلەكتروندىق كىتاپحانالارىن ءۇش تىلدە دايىنداپتى.
– 2020 جىلعا دايىنداعان باعدارلامامىزدى جاڭا فورماتتا تولىق قامتيمىز,–دەيدى وبلىستىق مادەنيەت باسقارماسى باسشىسىنىڭ ورىنباسارى گۇلميرا بەكنازاروۆا,–قالاي بولعان كۇندە دە زامانداستارىمىزدىڭ تالاپ-تىلەگىن ورىندايمىز. وعان تەحنيكالىق مۇمكىندىك تولىق جەتكىلىكتى.
مادەنيەت پەن ونەر دە قاپىلىسقان قيىندىقتى جەڭۋگە ءوز ۇلەسىن وسىلايشا قوسپاق.
اقمولا وبلىسى
