سول تىزىمدە نۇر-سۇلتاننىڭ «بارىس» كلۋبىنىڭ باس باپكەرى اندرەي سكابەلكا دا بار. 49 جاستاعى بەلارۋس ەلىنىڭ مامانى 2018 جىلى قازاقستاندىق كوماندانىڭ تىزگىنىن ۇستاعان بولاتىن. بيىلعى ماۋسىمدا جەرلەستەرىمىز وتە جاقسى ناتيجەگە قول جەتكىزدى. اتاپ ايتساق, چەرنىشەۆ ديۆيزيونىندا توپ جارعان ولار شىعىس كونفەرەنتسياسىندا ەكىنشى ورىندى يەلەندى. تۇراقتى بىرىنشىلىكتىڭ جارىس كەستەسىندە التىنشى ساتىعا جايعاستى. گاگارين كۋبوگى جولىنداعى دودانىڭ العاشقى اينالىمىندا قارسىلاسىن تاس-تالقان ەتىپ, ەكىنشى كەزەڭگە دەيىن جەتكەن ەدى. الايدا كوروناۆيرۋسكە بايلانىستى ءتۋرنيرى توقتاتىلدى.
اندرەي سكابەلكادان بولەك, قحل-دىڭ ەڭ ۇزدىك باپكەرى اتانۋعا ۇمىتتىلەر قاتارىندا يگور نيكيتين (تسسكا), نيكولاي زاۆارۋحين («سيبير»), ۆلاديمير كريكۋنوۆ («دينامو» ماسكەۋ) سىندى ماماندار بار.
