سپورت • 05 ءساۋىر، 2020

باسكەتبول: كوبي برايانتتىڭ ەسىمى داڭق زالىنا ەندى

15 رەتكورسەتىلدى

قىرشىن كەتكەن اقش-تىڭ ايگىلى ويىنشىسى كوبي برايانتتىڭ ەسىمى ۇلتتىق باسكەتبول قاۋىمداستىعىنىڭ (ۇبق) داڭق زالىنا رەسمي تۇردە ەندى.

41 جاستاعى فيلادەلفيا قالاسىنىڭ تۋماسى ۇبق-نىڭ بەس دۇركىن چەمپيونى جانە MVP فينالدىق سەرياسىنىڭ ەكى مارتە جەڭىمپازى. 18 رەت «جۇلدىزدار ماتچىندا» وينادى. باسقا دا تولىپ جاتقان اتاقتارى بار. 1996-2016 جىلدار ارالىعىندا ول تەك ءبىر عانا كوماندا – «لوس اندجەلەستىڭ» ساپىندا ونەر كورسەتتى. قورعانىس شەبىندە جاسىنداي جارقىراعان كوبيدي كورەرمەندەر  «قارا مامبا» دەپ اتايتىن.

ۇزاق جىلدار اقش قۇراماسى ساپىندا ويناعان برايانت بەيجىڭ مەن لوندون وليمپيادالارىنىڭ جەڭىمپازى اتانىپ، امەريكا چەمپيوناتىندا باس جۇلدەنى ولجالادى.

كوبي برايانت ۇستىمىزدەگى جىلدىڭ 26 قاڭتارىندا ءوزىنىڭ جەكە ۇشاعىمەن اۋە اپاتىنا ۇشىراپ، 13 جاسار قىزى دجينا ەكەۋى قازا تاپتى.

ايتۋلى باسكەتبولشىدان بولەك، بيىل ۇبق –نىڭ داڭق زالىنا كەۆين گارنەتت، پەن تيم دانكان، ايەلدەر اراسىنان تاميكا كەتچينگس جانە رۋدي توميانوۆيچ، كيم مالكي، باربارا ستيۆەنس، ەددي ساتتون سىندى باپكەرلەردىڭ ەسىمدەرى ەنگىزىلدى.

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار