بوكس • 04 ءساۋىر، 2020

تانىمال بوكسشىنىڭ اكەسى مەن اجەسى كوروناۆيرۋستان قايتىس بولدى

42 رەتكورسەتىلدى

كاسىپقوي رينگتە كۇش سىناسىپ جۇرگەن ۇلىبريتانيانىڭ تانىمال بوكسشىسى ەنتوني ياردتىڭ ءبىر عانا اپتا ارالىعىندا كوروناۆيرۋستەن اكەسى مەن اجەسى قايتىس بولدى. 

-ء بىر عانا اپتا ىشىندە ەكى بىردەي جاقىن ادامدارىمنان ايىرىلدىم. اۋەلى اكەم قايتىس بولدى. ىلە-شالا اكەم جۇنيەدەن ءوتتى. ەكەۋىن دە اتى وشكىر كوروناۆيرۋس جالمادى. قازىر وتباسىمىزبەن قان جىلاپ وتىرمىز. بۇل – وتە قاۋىپتى ىندەت. ءوز باستانا تيمەگەننەن كەيىن كوپ ادام COVID-19 دەرتىن ءالى دە ەلەيتىن ەمەس. ەش قاجەتسىز دالا كەزىپ جۇرگەندەردىڭ قاتارى قالىڭ. وسى جاعداي مەنى الاڭداتادى. ودان گورى ساقتانىپ، ۇيدە جاتقان ءجون. وسىنى اينالامداعى ادامدارعا ۇعىندىرعىم كەلەدى، - دەيدى بوكسشى.

28 جاستاعى ەنتوني يارد 2015 جىلدىڭ مامىر ايىنان بەرى كاسىپقويلار اراسىندا كۇش سىناسۋدا. سول ارالىقتا 20 كەزدەسۋ وتكىزىپ، 19 رەت جەڭىسكە جەتتى. 18 قارسىلاسىن ەسىنەن تاندىردى.

جارتىلاي اۋىر سالماقتا جۇدىرىقتاسىپ جۇرگەن ۇلىبريتانيا وكىلىنىڭ تەك رەسەيلىك سەرگەي كوۆالەۆقا عانا ءالى جەتپەدى. قوس بوكسشى بىلتىر تامىز ايىندا چەليابى قالاسىندا قولعاپ ءتۇيىستىرىپ، بۇل تارتىس 11 راۋندتا اياقتالدى.

 

 

 

 

     

 

  

        

 

 

 

 

 

 

 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار