فۋتبول • 04 ءساۋىر، 2020

فۋتبول: حاۆي قايرىمدىلىق كورسەتتى

17 رەتكورسەتىلدى

بۇل كۇندەرى بىرقاتار اتاقتى سپورتشىلاردىڭ قوروناۆيرۋسكە قارسى كۇرەستە قايىرىمىدىلىق كورسەتىپ جاتقانى بەلگىلى. كەشە سولاردىڭ قاتارىنا حاۆي دە قوسىلدى.

40 جاستاعى يسپانيانىڭ تەرراسسا قالاسىنىڭ تۋماسى 17 جىل بويى «بارسەلونانىڭ» جەيدەسىن كيىپ، كاتولونيالىق كلۋبپەن بىرگە كوپتەگەن بيىك ەلەستەردى باعىندىردى. ول ءتورت رەت الەمنىڭ ەڭ ۇزدىك پلەيمەيكەرى بولىپ تانىلدى. 2000-2014 جىلدار ارالىعىندا يسپانيا قۇراماسى ساپىندا ونەر كورسەتىپ، 133 رەت جاسىل الاڭعا شىقتى. 13 گولدىڭ اۆتورى اتاندى. الەم جانە ەۋروپانىڭ ەكى دۇركىن چەمپيونى، سيدنەي وليمپياداسىنىڭ كۇمىس جۇلدەگەرى، كونفەدەراتسيا كۋبوگىنىڭ ەكى دۇركىن جۇلدەگەرى دەگەن اتاقتارى  بار. «ەۋرو-2008» دوداسىنىڭ ەڭ ۇزدىك ويىنشىسىنا تيەسىلى مارتەبەلى سىيلىقتى يەلەندى. سان مارتە الەم جانە ەۋروپانىڭ شارتتى قۇراماسىنا ەندى. 2010 جانە 2011 جىلدارى الەمنىڭ ەڭ ۇزدىك فۋتبولشىلار تىزىمىندە ءۇشىنشى ورىنعا تابان تىرەدى.

حاۆي بۇل كۇندەرى كاتاردىڭ ء«ال-سادد» جاتتىقتىرۋدا. كۇنى كەشە ايتۋلى ازامات پەن ونىڭ جۇبايى نۋريا كۋنيللەرانىڭ كوروناۆيرۋسكە قارسى كۇرەسكە 1 ميلليون ەۆرو جۇمساعانى بەلگىلى بولدى. بۇل قاراجات بارسەلوناداعى اۋرۋحانالاردىڭ ەسەپشوتىنا ءتۇستى. 

 

 

 

 

 

 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار