سپورت • 04 ءساۋىر، 2020

ازيا ويىندارىنىڭ بويتۇمارى بەكىتىلدى

12 رەتكورسەتىلدى

2022 جىلى قىتايدىڭ حۋانچجوۋ قالاسىندا الاۋى تۇتاناتىن ءحىح جازعى ازيا ويىندارىنىڭ بويتۇمارى رەسمي تۇردە بەكىتىلىپ، ول كوپشىلىك نازارىنا ۇسىنىلدى. 

ءسويتىپ، كونكونگ، ليانليان جانە چەنچەن ەسىمدى ءۇش روبوت ەكى جىلدان كەيىن اسپاناستى ەلىندە وتەتىن ءدۇبىرلى دودانىڭ بويتۇمارى بولىپ بەكىتىلدى. ولاردىڭ بارلىعى دا يۋنەسكو-نىڭ دۇنيەجۇزىلىك مۇراسى ساناتىنا ەنگەن. ال جارىستىڭ وزىنە كەلەتىن بولساق، بۇل باسەكەلەر 2022 جىلدىڭ 10-25 قىركۇيەك ارالىعىندا وتەدى.

 ەستەرىڭىزگە سالا كەتەيىك، بۇعان دەيىنگى جازعى ازيا ويىندارى وسىدان ەكى جىل بۇرىن يندونەزيانىڭ جاكارتا مەن پالەمبانگ قالالارىندا ءوتتى. وعان 45 مەملەكەتتەن كەلگەن 11 644 ورەن قاتىسىپ، سپورتتىڭ 42 ءتۇرى بويىنشا 465 جۇلدە جيىنتىعىن ساراپقا سالدى. جالى كوماندالىق ەسەپتە 289 (132 التىن+92 كۇمىس+65 قولا) جۇلدە العان قىتاي قۇراماسى جەكە-دارا كوش باستادى. ەكىنشى جانە ءۇشىنشى ورىنداردا – جاپونيا (74+56+74) مەن وڭتۇستىك كورەيا (49+58+70). ايتۋلى دودادا قازاقستاننىڭ سپورتشىلارى ءساتسىز ونەر كورسەتىپ، توعىزىنشى ورىنقا قالىپ قويعان ەدى. جەرلەستەرىمىز 79 (15+17+44) جۇلدەنى ەنشىلەدى.

 

 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار