ۆەدومستۆو باسشىسى توتەنشە جاعدايعا بايلانىستى قاشىقتان ءبىلىم بەرۋدى باستاعالى وتىرعان مۇعالىمدەردى بارلىق تەكسەرىستەن بوساتقانىن جەتكىزدى.
– سوڭعى كەزدە جاڭا وقىتۋ فورماتىنا كوشۋ بارىسىندا مۇعالىمدەردەن سۇرالاتىن ەسەپتەر كوبەيىپ كەتكەن. بۇل ەسەپتەر مەن تەكسەرىستەردىڭ ءبارىن توقتاتۋ تۋرالى شەشىم شىعاردىق. ارنايى بۇيرىققا مۇعالىمنىڭ سىنىپ جۋرنالىنان باسقا ەشقانداي ەسەپ تولتىرۋ تالاپ ەتىلمەۋى ءتيىس ەكەنىن كورسەتتىك. كەيبىر مەكتەپتەردە وقىتىپ جاتقان ساباعىنىڭ سكرينشوتىن نەمەسە ۆەدەوسىن جىبەرۋدى مىندەتتەپ جاتقانىن كوزىمىز جەتىپ وتىر. مۇندايعا جول بەرمەيمىز, – دەدى مينيستر.
