سونىمەن قاتار پرەزيدەنت قاسىم-جومارت توقاەۆ وتاندىق عالىمداردىڭ ىندەتپەن كۇرەسۋدە زەرتتەۋ جۇمىستارىن جۇرگىزىپ, ناقتى ناتيجەگە قول جەتكىزۋىنىڭ ماڭىزدىلىعىنا ەرەكشە ءمان بەرىپ وتىر. مەملەكەت باسشىسىنىڭ توتەنشە جاعدايد باقىلاۋ بارىسىنداعى: ء«بىز سىزدەردىڭ عىلىمي جۇمىستارىڭىزعا زور ءۇمىت ارتامىز. قاجەتتى كومەك بەرىلەدى. ۆيرۋس پەن ونىڭ تارالۋى بيولوگيالىق لابوراتوريالاردىڭ, مەديتسينالىق جانە سانيتارلىق قىزمەتتەردىڭ جۇمىستارىنا مەملەكەتتىڭ ەرەكشە كوڭىل ءبولۋى ءتيىس ەكەنىن كورسەتتى» دەۋى وسى ويىمىزعا ايقىن دالەل بولا الادى.
COVID-19 ىندەتىنە قارسى زەرتتەۋلەر جۇمىستارىن جۇرگىزەتىن بىردەن ءبىر عىلىمي ورتالىق – عىلىم كوميتەتىنە قاراستى 60 جىلدان اسا تاريحى بار «بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى». بقپعزي ماتەريالدىق-تەحنيكالىق بازاسى زاماناۋي قۇرىلعىلار مەن قۇرال-جابدىقتارمەن جابدىقتالعان 2-ءشى جانە 3-ءشى بيولوگيالىق قاۋىپسىزدىك دەڭگەيلى زەرتحانالار. ينستيتۋتتىڭ عىلىمي ەڭبەكتەرى بيولوگيالىق قاۋىپسىزدىك, بيوتەحنولوگيا, ۆيرۋسولوگيا, مولەكۋلالىق بيولوگيا جانە گەندىك ينجەنەريا سالاسىنىڭ شەتەلدىك جانە وتاندىق عالىمدارىمەن تانىلعان. گەندىك ينجەنەريا نەگىزىندە رەكومبينانتتىق شتاممدارعا قول جەتكىزۋ تەحنولوگيالارى يگەرىلدى. ينستيتۋت عالىمدارى قىسقا مەرزىم ىشىندە تۇماۋ ۆيرۋسىنىڭ ءبىر نەشە تۇرىنە, برۋتسەللەزگە, تۋبەركۋلەزگە, شەشەك جانە ت.ب. ۆيرۋستارعا قارسى ۆاكتسينالار مەن بالامالىق تەست-جۇيەلەر ازىرلەگەن. سونىمەن قاتار جانۋارلار مەن قۇستاردىڭ 60-تان اسا اۋرۋلارىنا قارسى ۆاكتسينالار مەن پتر (پتسر) يفت (يفا) تەست جۇيەلەر وندىرىسكە ەنگىزىلگەن. دايىندالعان پرەپاراتتاردىڭ كەيبىرى شەتەلدەرگە شىعارىلادى.
قازاقستاندا سوVID-19 كوروناۆيرۋسىمەن كۇرەسۋ ءۇشىن بقپعزي عالىمدارى ۆاكتسينا ازىرلەۋ جانە سىناقتان وتكىزۋ تاقىرىبىندا عىلىمي-تەحنيكالىق باعدارلاما ازىرلەپ, قارجىلاندىرۋعا ۇسىنىپ وتىر.
بقپعزي عالىمدارىنىڭ اسا قاۋىپتى ينفەكتسيالارعا قارسى ۆاكتسينا ازىرلەۋ بويىنشا الدىڭعى جىلدارداعى وراسان زور تاجىريبەسى 1-2 جىل ىشىندە كوروناۆيرۋسقا قارسى وتاندىق ۆاكتسينانى ءوندىرۋ تەحنولوگياسىنا قول جەتكىز الاتىنىن كورسەتەدى.
كۇنسۇلۋ زاكاريا,
بقپعزي ديرەكتورى
