65 جاستان اسقان ادامدارعا ۇيدەن مۇلدەم شىقپاۋ تۋرالى كەڭەس بەرىلگەلى جاس تولقىن اتقا مىنگەن. كوكشەتاۋ قالاسىنداعى سالاۋاتتى ءومىر سالتىن قالىپتاستىرۋ ورتالىعى جاستارمەن بىرلەسە وتىرىپ, ديسپانسەرلىك ەسەپتە تۇراتىن اعا بۋىن وكىلدەرىنە دارىگەرلەر تاعايىنداعان قاجەتتى ءدارى-دارمەگىن جەتكىزىپ بەرۋدە.
–بىزدە 95 مىڭعا جۋىق ادام ەسەپتە تۇر. ونىڭ 13 مىڭى تەگىن ءدارى-دارمەك الاتىن سوزىلمالى سىرقاتى بار ادامدار. ءبىز وسى تىزىمنەن ەگدە ادامداردى ىرىكتەپ الىپ, جاستار ەرىكتىلەرى ارقىلى قاجەتتى دارىلەرىن ۇيلەرىنە جەتكىزىپ بەرۋدى قولعا الدىق,–دەيدى قالالىق ەمحانا باس دارىگەرىنىڭ ورىنباسارى ىرىستى سىزدىق.
ءۇي-ۇيگە ءدارى-دارمەك جەتكىزەر الدىندا ەرىكتى جاستارمەن ارنايى تۇسىنىكتەمە جۇمىستارى جۇرگىزىلەدى.
ء–بىزدىڭ ماقساتىمىز اتالارىمىز بەن اجەلەرىمىز نەعۇرلىم ساقتىق شاراسىن جاساسا دەگەن نيەت,–دەيدى كوكشەتاۋ جوعارى مەديتسينا كوللەدجىنىڭ جانىنداعى «ميلوسەرديا» قوزعالىسىنىڭ بەلسەندىلەرى ارمان قۇرمانعازيەۆ پەن سانجار ءابدىراحمانوۆ.
جالىندى جاستاردىڭ جاقسى ءىسى وزگە دە قۇربىلارىنا ابدەن ۇلگى بولارلىق قارەكەت ەمەس پە؟!
كوكشەتاۋ قالاسى
