ساياسات • 03 ءساۋىر، 2020

ازاماتتار نازاردان تىس قالمايدى

15 رەتكورسەتىلدى

كەشە ورتالىق كوممۋنيكاتسيالار قىزمەتىندە وتكەن بريفينگتە يندۋستريا جانە ينفراقۇرىلىمدىق دامۋ ءمينيسترىنىڭ مىندەتىن اتقارۋشى قايىربەك وسكەنباەۆ كوروناۆيرۋس ينفەكتسياسىن تاراتپاۋعا باعىتتالعان شارالار تۋرالى باياندادى.

بۇعان دەيىن اۋە كومپانيالارى حالىقارالىق 97 باعىت بويىنشا، ەل ىشىندەگى 345 باعىت بويىنشا جولاۋشى تاسىمالداۋدى جۇزەگە اسىراتىن. ىندەتتىڭ تارالۋىنا بايلانىستى بۇل باعىتتار تولىق توقتاتىلدى دەۋگە بولادى.

– رەيستەردىڭ اشىلۋ-اشىلماۋى تۋرالى شەشىم باس سانيتارلىق دارىگەردىڭ ۇسىنىسى بويىنشا قابىلدانادى. اۋە ارقىلى جۇك تاسىمالى جالعاسا بەرەدى، وعان شەكتەۋ قويىلعان جوق، – دەدى ءمينيستردىڭ مىندەتىن اتقارۋشى.

شەتەلدەگى قازاقستان ازاماتتارىن ەلگە اكەلۋ ماسەلەسىمەن سىرتقى ىستەر مينيسترلىگى اينالىسادى. ۆەدومستۆونىڭ تاپسىرماسى بويىنشا ازاماتتاردى ەلگە اكەلۋگە وتاندىق اۋە كومپانيالارى دا­يىن تۇر. وسى جيىندا ايتىلعانداي، بۇگىن ىستانبۇل مەن دەليدەگى ازاماتتارىمىز مىنگەن ەكى اۋە بورتى ەلگە ورالۋعا ءتيىس.

ق.وسكەنباەۆ جولاۋشى تاسىمالدايتىن 157 پويىزدىڭ 24-ءى عانا ءجۇرىپ تۇرعانىن، ولار تەمىر جول سالاسى جۇمىسكەرلەرىن تا­سى­مالداۋعا ارنالعانىن ايتتى. جۇك پو­يىز­دارى بولسا، ەش شەكتەۋسىز ءجۇرىپ جا­تىر.

– سىرتتان كەلەتىن اۆتوكولىك مار­شرۋتتارى تۇگەل جابىلدى. ەل ىشىندە قاتى­نايتىن اۆتوبۋستار دا توقتادى. اقتاۋ مەن قۇرىقتاعى تەڭىز پورتتارىندا دا شەتەلدىك ازاماتتار جۇرەتىن سۋ كولىكتەرىنە شەكتەۋ قويىلدى. قازىر پورتتاردان تەك جۇك تاسىمالدانادى، – دەدى ول.

ق.وسكەنباەۆتىڭ ايتۋىنشا، ەلىمىزدە كۇن سايىن 1 ملن مەديتسينالىق ماسكا تىگىلەدى. بۇل ناۋرىز ايىنىڭ باسىنداعى كورسەتكىشتەن 5 ەسە كوپ. ونىڭ 325 مىڭىن فارماتسەۆتيكالىق كاسىپورىندار شىعارسا، 680 مىڭ ماسكا تىگىن تسەحتارىندا تىگى-
لەدى.

كۇن سايىن 85 مىڭ ليتردەن استام دەزينفەكتسيالاۋ قۇرالدارى شىعارىلادى، قويمالاردا 158 مىڭ ليتر ساقتاۋلى تۇر، ءدارىحانا جەلىلەرىنە، كوشەلەر مەن عيماراتتاردى دەزينفەكتسيالاۋعا 65 مىڭ ليتر ءبولىندى. وكپەنى جاساندى جەلدەتۋ قۇرىلعىلارىنىڭ جەتىسپەۋشىلىگى دە كوپشىلىكتى الاڭداتىپ جۇرگەنى ءمالىم. ءباس­پاسوز ءماسليحاتىندا ايتىلعانداي، كوك­شەتاۋداعى «تىنىس» اق دەنساۋلىق ساقتاۋ مينيسترلىگىنىڭ تاپسىرىسى بويىن­شا 700-گە جۋىق قۇرىلعى شىعارۋدى باس­تاپ كەتتى. ۇكىمەتتىڭ رەزەرۆىنەن وندىرىسكە قاجەتتى قاراجات بولىنەدى.

 

سوڭعى جاڭالىقتار

ۇقساس جاڭالىقتار