پرەزيدەنت • 02 ءساۋىر، 2020

اسكەري مىندەتتىلەر ارناۋلى جيىندارعا شاقىرىلادى

191 رەتكورسەتىلدى

مەملەكەت باسشىسى اسكەري مىندەتتىلەردى ارناۋلى جيىنعا شاقىرۋ تۋرالى جارلىق شىعاردى.

«قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» 2005 جىلعى 7 قاڭتارداعى قازاقستان رەسپۋبليكاسى زاڭىنىڭ 5-بابى 2-تارماعىنىڭ 11) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسى قارۋلى كۇشتەرىنىڭ اۋماقتىق اسكەرلەرىن جاساقتاۋ ءۇشىن اسكەري مىندەتتىلەر ارناۋلى جيىندارعا شاقىرىلسىن.

2. استانانىڭ، رەسپۋبليكالىق ماڭىزى بار قالالاردىڭ جانە وبلىستاردىڭ جەرگىلىكتى اتقارۋشى ورگاندارى:

1) قازاقستان رەسپۋبليكاسى قارۋلى كۇشتەرىنىڭ باس شتابىمەن كەلىسۋ بويىنشا شاقىرىلاتىن اسكەري مىندەتتىلەردىڭ سانىن جانە ارناۋلى جيىنداردى وتكىزۋ مەرزىمدەرىن ايقىنداي وتىرىپ، ءتيىستى جەرگىلىكتى اسكەري باسقارۋ ورگاندارى ارقىلى اسكەري مىندەتتىلەردى ارناۋلى جيىندارعا شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن;

2) وسى جارلىقتان تۋىندايتىن وزگە دە شارالاردى قابىلداسىن.

3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

 

 

قازاقستان رەسپۋبليكاسىنىڭ پرەزيدەنتى ق.توقاەۆ                           

 

نۇر-سۇلتان، اقوردا، 2020 جىلعى 2 ءساۋىر

                       

سوڭعى جاڭالىقتار

ۇقساس جاڭالىقتار