وسىنى پرەزيدەنت بارلىق وبلىس پەن اۋدان باسشىلارىنا تاپسىرىپ جاتىر. مۇندايدا تارتىپكە باعىنۋ – ەڭ باستى نارسە. ء«بىر قۇمالاق ءبىر قارىن مايدى شىرىتەدى» دەگەندەي ءبىر ادام ۆيرۋستى جۇقتىرىپ السا, كورىپ وتىرعانىڭىزداي, اينالاسىنا تۇگەل قاۋىپ توندىرەدى. مىنە, وسى ماسەلەگە ءبىز ەل بولىپ, جۇمعان جۇدىرىقتاي بولىپ, سابىرلىق پەن بايسالدىلىق تانىتىپ, ۇرەيگە بوي الدىرماي, كۇرەسە ءبىلۋىمىز كەرەك.
اسىرەسە جاسى كەلگەن ادامدار مۇمكىندىگىنشە ۇيىنەن شىقپاي, ەسىكتى قىمتاپ, بالا-شاعانى ويلاۋى ءتيىس. قيىنشىلىققا بايلانىستى مەملەكەت باسشىسى كەشە كوپتەگەن الەۋمەتتىك شارانىڭ قولعا الىناتىنىن جاريا ەتتى. الەۋمەتتىك جاعدايى تومەن وتباسىلارعا كومەك كورسەتىپ, شاعىن بيزنەستىڭ سالىق تولەيتىن ۋاقىتىن سوزىپ, حالىقتى قولداۋ تەتىكتەرىن اتادى. بۇل – ۇلكەن ريزا قىلارلىق كومەك دەپ ويلايمىن.
قازىر حالىقتى ىندەت ءبىر قىسسا, ەكونوميكالىق داعدارىس ەكىنشى جاعىنان قىسۋى مۇمكىن. قالتالى ازاماتتاردىڭ ەلگە قاراساتىن كەزى كەلگەندەي. ءوز باسىم ۆيرۋستىڭ اۋىل-اۋىلعا تاراپ كەتپەۋىن تىلەپ وتىرمىن. حالىققا سابىر تىلەيمىن. قازىر كوپتەگەن ازاماتتىڭ ءتارتىپ ساقتاماي 15 كۇنگە قامالىپ جاتقانىن, كوشەدە بەيساۋات جۇرگەنىن ەستيمىن. مۇندايدى قويۋ كەرەك. حالىققا تۇسكەن ناۋبەتتەن داۋلەت كورىپ, ماسكانى جاپپاي ساتىپ الىپ, قىمباتتاتا وتكىزگەن جاعدايدى دا ەستىدىك. وسىنداي پيعىلدىڭ جولىن كەسۋ كەرەك. ودان كەيىن ەلدى بەيقامدىققا شاقىرىپ, «ويباي بۇل جاي تۇماۋ» دەپ جۇرگەن انشىسىماقتاردى دا شەكتەۋ كەرەك. اللا بارىمىزگە وڭ كوزىمەن قاراسىن. اقساقالدار ەلگە باسۋ ايتۋى كەرەك. جاستار سابىرلى بولۋى ءتيىس. ەل بولىپ ەتەك-جەڭىمىزدى قىمتاماساق, كوزگە كورىنبەيتىن ىندەت انا تەسىكتەن دە, مىنا تەسىكتەن دە كىرىپ كەتەدى.
نەسىپبەك ايت ۇلى,
مەملەكەتتىك سىيلىقتىڭ لاۋرەاتى, اقىن
