رۋحانيات • 02 ءساۋىر، 2020

تارتىپكە كونىپ، تاعدىرعا باعىناتىن كەز كەلدى

64 رەتكورسەتىلدى

مەملەكەت باسشىسىنىڭ مالىمدەمەسىندە كوپ ماسەلە ايتىلدى. تەك سونى جەرگىلىكتى بيلىك ورىندارى ورىنداي ءبىلۋى كەرەك.

اسىرەسە، قازىرگىدەي كەزەڭدە دالادا ەگىن سالىپ، مال باعىپ وتىرعان شارۋا قوجالىقتارىنا بارىنشا قولداۋ كورسەتىلسە دەيمىن. ءوزىم بىلەتىن شارۋا ادامدارىنا وتكەن جىلى دەمەۋقارجى بەرىلگەن جوق. ەكونوميكا تۇرالايدى دەپ الەم شۋلاپ، دابىل قاعىپ جاتقان مەزگىلدە ءبىزدىڭ دالامىز نازاردان تىس قالماۋى كەرەك. جۇمىسسىزدىق بەلەڭ الماس ءۇشىن قولدان كەلگەننىڭ ءبارىن جاساۋ قاجەت.

تاعى ءبىر تۇيتكىلدى ماسەلە – مەكتەپ وقۋشىلارىن قاشىقتان وقىتۋ جايى. اۋىلداردا ينتەرنەتتىڭ دۇرىس جولعا قويىلماعانى بەلگىلى. سونداي جاعدايدا بالالاردى قالاي وقىتامىز؟ بۇل دا – ويلاناتىن ماسەلە. بارشا اعايىنعا ايتارىم: قازىر ءبارىمىز ءۇشىن سىن ساعاتى تۋىپ تۇر. ۇيدەن شىقپا دەسە، شىقپاۋ كەرەك. بۇل – ەشقانداي دارىگە، عىلىمعا ءال بەرمەي جاتقان ىندەت. ەندەشە، سودان امان قالۋدى ويلاۋ كەرەك. ىندەتتەن امان قالۋعا، بالكىم، قايىرىمدىلىق، بالكىم، ءوزىڭدى ءوزىڭ سىيلاۋ مادەنيەتىڭ يا مەديتسينالىق ساۋاتتىلىعىڭ، تازالىقتى ساقتاي ءبىلۋىڭ كومەكتەسەر. قىدىرۋدى قويايىق، ورىنسىز ءجۇرۋدى دوعارايىق! ءوز ءۇيىمىزدىڭ قادىرىن بىلەيىك. تاڭدا تۇرىپ، «بالام، ءحالىڭ قالاي؟»، «انام، ءحالىڭ قالاي؟» دەيىك ءبىر-بىرىمىزگە. ۇكىمەتىمىزدىڭ ايتقانىن ىستەيىك. تارتىپكە كونەيىك، تاعدىرعا باعىنايىق، ۇلى كۇشتى مويىندايىق. اينالايىن حالقىم، اباي بولايىق!

اقۇشتاپ باقتىگەرەەۆا،

مەملەكەتتىك سىيلىقتىڭ يەگەرى، قازاقستان جازۋشىلار وداعى باتىس قازاقستان وبلىسى بولىمشەسىنىڭ ءتورايىمى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار