– بۇگىنگى تاڭدا وبلىسىمىز بويىنشا 19 ادامنىڭ كوروناۆيرۋس جۇقتىرعانى انىقتالدى. ولاردىڭ بارلىعى كوروناۆيرۋس جۇقپاسىنا بايلانىستى ەمحاناعا جاتقىزىلعاندارمەن بايلانىستا بولعان ادامدار. كوروناۆيرۋستەن قازا تاپقان قوسشى اۋىلىنىڭ تۇرعىنىمەن بايلانىستا بولعان بەس ادامدا اتالعان جۇقپا راستالدى, – دەدى ايناگۇل سوۆەتقىزى.
سونداي-اق نۇر-سۇلتان قالاسىندا كوروناۆيرۋس جۇقتىرعان ازاماتپەن بايلانىستا بولعان بەس تۇرعىندا دا كوروناۆيرۋس انىقتالىپ وتىر. 1 ساۋىرگە دەيىنگى جاعداي بويىنشا, كوكشەتاۋ قالاسىندا جانە شورتاندى اۋدانىندا دا ءبىر-ءبىر دەرەكتەن تىركەلگەنى بريفينگتە ايتىلدى.
– ەپيدەميولوگيالىق جاعدايدىڭ كۇن ساناپ كۇردەلەنۋىنە بايلانىستى مەن وبلىس اۋماعىندا قوسىمشا شەكتەۋ شارالارىن ەنگىزۋ تۋرالى قاۋلى شىعاردىم. سوعان سايكەس, 3 ءساۋىر كۇنى ساعات 19.00-دەن باستاپ تسەلينوگراد, شورتاندى جانە ارشالى اۋداندارىندا قوزعالىس توقتاتىلاتىن بولادى. اۋدانعا كىرەتىن جولدارعا بلوك بەكەتتەر قويىلادى. اتالمىش وڭىرلەرگە اۋدان ءومىرى ءۇشىن ماڭىزدى, اسىرەسە ازىق-ت ۇلىك تاسىمالدايتىن كولىكتەردەن باسقا, كەز-كەلگەن كولىكتەر كىرىپ, شىعا المايدى. سول سەكىلدى وبلىس ورتالىعىنا كىرەتىن جولدارعا دا بلوك-بەكەتتەر ورناتىلادى. ءىرى سۋپەرماركەتتەردىڭ دە جۇمىسى توقتاتىلادى. تەك, جاقىن ماڭايداعى ازىق-ت ۇلىك ساتاتىن دۇكەندەر عانا جۇمىس ىستەيدى. دالاعا ماسكاسىز شىعۋعا تىيىم سالىنادى, – دەدى وبلىسىمىزدىڭ باس مەملەكەتتىك سانيتارلىق دارىگەرى.
سونىمەن قاتار ايناگۇل مۋسينا كەيبىر اتا-انالاردىڭ ەلىمىزدە كوروناۆيرۋس پاندەمياسىنىڭ تارالۋىن توقتاتۋعا بايلانىستى قولعا الىنعان شارالارعا بەيقام قارايتىنىن سىنعا الدى. جاريالانعان كارانتينگە قاراماستان, بالالار ويىن الاڭدارىندا ءجۇر. كامەلەتتىك جاسقا تولماعان بالالاردىڭ سىرتقا اتا-اناسىز شىعۋىنا تىيىم سالىنعان. وسى ورايدا, وبلىسىمىزدىڭ باس مەملەكەتتىك سانيتارلىق دارىگەرى وبلىس تۇرعىندارىن ەپيدەميولوگيالىق ساقتىق شارالارىن قاتاڭ ۇستانۋعا جانە قوعام بەلسەندىلەرىن, ۇكىمەتتىك ەمەس ۇيىم وكىلدەرىن وسىناۋ ماڭىزدى ءىستىڭ ءبىر جاعىنان شىعىسۋعا شاقىردى.
