وبلىستىق كاسىپكەرلىك جانە ونەركاسىپ, اۋىل شارۋاشىلىعى باسقارمالارى مەن اۋدان اكىمدىكتەرى وبلىستىڭ ازىق-ت ۇلىك قاۋىپسىزدىگىن قامتاماسىز ەتۋ جانە الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋىن تەجەۋ شارالارىن قولعا العان بولاتىن. باسقارما باسشىسىنىڭ ايتۋىنشا, توتەنشە جاعداي كەزىندە ەنگىزىلگەن كارانتين بارىسىندا ازىق-ت ۇلىك ساۋداسىنىڭ بارلىق نىساندارى تولىق رەجيمدە جۇمىس ىستەيدى, تاۋارلار دەفيتسيتى جوق. كەيبىر تاۋارلارعا دەفيتسيت تۋىنداعان جاعدايدا وڭىرلىك تۇراقتاندىرۋ قورى, سونداي-اق, قاجەت بولعاندا مەملەكەتتىك ماتەريالدىق رەزەرۆى ىسكە قوسىلادى.
–وبلىستا الەۋمەتتىك ماڭىزى بار ازىق-ت ۇلىك تاۋارلارىنىڭ قورى جەتكىلىكتى. بۇگىنگى كۇنى ول 46,3 مىڭ توننانى, ونىڭ ىشىندە كاسىپورىنداردا 35755,1 توننا, قويمالاردا 2094 توننا, ساۋدا نىساندارىندا 6494 توننا, تۇراقتاندىرۋ قورىندا 1994,7 توننانى قۇرايدى.بۇل تاۋارلار 50 كۇنگە جەتەدى. وبلىستا كۇن سايىن 300 توننا ءسۇت ءونىمى, 77 توننا ءىرى قارا ەتى, 123 توننا قۇس ەتى, 2,2 ميلليون دانا جۇمىرتقا, 1000 توننا ۇن جانە وزگە دە تاۋارلار وندىرىلەدى. كارتوپ, ءسابىز, پياز ءتارىزدى كوكونىس ونىمدەرى 100 تونناعا دەيىن تاسىمالدانادى. «ەسىل» الەۋمەتتىك-كاسىپكەرلىك كورپوراتسياسىنىڭ تۇراقتاندىرۋ قورىندا 1995 توننا الەۋمەتتىك ماڭىزى بار ازىق-ت ۇلىك تاۋارلارى بار. تاعامدار ورتالىق بازارداعى «قامقور» كوممۋنالدىق پاۆيلونى ارقىلى ساتىلادى. سونداي-اق, وڭىرلىك تۇراقتاندىرۋ قورىن مولايتۋ ماقساتىندا قوسىمشا ونىمدەر ساتىپ الىنۋدا. بۇل ماقساتقا جەرگىلىكتى بيۋدجەتتەن 750 ميلليون تەڭگە ءبولىندى,–دەدى باسقارما باسشىسى.
وبلىستىق كاسىپكەرلىك جانە ونەركاسىپ باسقارماسى اۋدان, قالا اكىمدىكتەرىمەن, وڭىرلىك كاسىپكەرلىك پالاتاسىمەن, وبلىستىق باسەكەلەستىكتى قورعاۋ جانە دامىتۋ دەپارتامەنتىمەن بىرگە ازىق-ت ۇلىك ونىمدەرى باعاسىنا كۇن سايىن مونيتورينگ جۇرگىزەدى. باعانى ۇيىمداسقان تۇردە كوتەرۋگە جول بەرمەۋ ماقساتىندا ۆەدومستۆوارالىق بىرلەسە جۇمىس ىستەۋ نىعايتىلدى. بۇگىنگى كۇنى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى نەگىزىنەن, تۇراقتى. توتەنشە جاعداي ەنگىزىلگەن كەزدەن بەرى كارتوپ پەن قانتتىڭ باعاسى كوتەرىلگەنى بايقالادى. سوندىقتان, باعا تۇراقتىلىعىن قامتاماسىز ەتۋ ماقساتىندا قازاقستان رەسپۋبليكاسى ۇكىمەتىنىڭقاۋلىسىمەن ەل ەكونوميكاسى مەن تۇرعىنداردىڭ تۇرمىس قاجەتتىلىكتەرىن ءۇزىلىسسىز قامتاماسىز ەتۋ ءۇشىن ازىق-ت ۇلىك جانە وزگە دە تاۋارلاردىڭ شەكتەۋلى باعاسىن بەلگىلەۋ ءتارتىبى بەكىتىلگەن.
–ۇكىمەت الەۋمەتتىك ماڭىزى بار ازىق-ت ۇلىك تاۋارلارىنىڭ ءتىزىمىن بەكىتتى. وعان ۇن, نان, كۇرىش, ماكارون, ەت, ءسۇت ونىمدەرى, كۇنباعىس مايى جانە وزگە دە تاۋارلار ءتارىزدى 19 تاۋار كىرەدى. قولدانىستاعى زاڭناماعا سايكەس, مەملەكەتتىك كوميسسيادا الەۋمەتتىك ماڭىزى بار ازىق-ت ۇلىك تاۋارلارىنىڭ 9 ءتۇرىنىڭ شەكتەۋلى باعاسىن ەنگىزۋ ماسەلەسى قارالدى. 2020 جىلى تاۋارلاردىڭ شەكتەۋلى بولشەكتى باعاسى 10 پايىزدان اسپاۋى ءتيىس. ساۋدا جانە ينتەگراتسيا مينيسترلىگى تاۋارلار ءتىزىمىن ەنگىزۋ جانە ولارعا ءۇش جۇمىس كۇنىنىڭ ىشىندە شەكتەۋلى بولشەكتى باعا بەلگىلەۋ بويىنشا ورتالىق جانە جەرگىلىكتى اتقارۋشى ورگانداردىڭ ۇسىنىسىن قاراۋدا.ءازىر شەكتەۋلى باعا بەكىتىلگەن جوق. ول بەكىتىلگەننەن كەيىن باق-دا جاريالانىپ, ساۋدامەن اينالىساتىن سۋبەكتىلەرگە جەتكىزىلەدى. ونىڭ ساقتالۋىنا ءبىزدىڭ باسقارما, قالا مەن اۋدان اكىمدىكتەرى مەملەكەتتىك باقىلاۋ ورناتادى,–دەدى وبلىستىق كاسىپكەرلىك جانە ونەركاسىپ باسقارماسىنىڭ باسشىسى ەربول وسپانوۆ.
بۇل ارينە, قۇپتاۋعا تۇرارلىق. شەكتەۋلى باعا بەلگىلەنىپ, قاتاڭ قاداعالانىپ وتىرعاندا عانا قازىرگى كۇردەلى جاعدايدى باس پايدالارىنا جاراتىپ قالعىسى كەلگەن ساۋدا سالاسىنداعىلاردىڭ دەگەنى بولمايدى.
