قوعام • 31 ناۋرىز، 2020

اسسامبلەيانىڭ قايىرىمدىلىق مارافونى جالعاسۋدا

10 رەتكورسەتىلدى

قازاقستان حالقى اسسامبلەياسى بارلىق وڭىرلەردە ء«بىز بىرگەمىز» اكتسياسىن جانداندىردى.

ەتنومادەني بىرلەستىكتەر، قحا «جاڭعىرۋ جولى» رجق ۆولونتەرلەرى اتىراۋ وبلىسىندا كورونوۆيرۋستىق ينفەكتسيانىڭ تارالۋىنا جول بەرمەۋ بويىنشا الدىن الۋ شارالارىن كۇشەيتۋدە. كۇن سايىن قارت ادامدار، مۇگەدەكتەر جانە از قامتىلعان وتباسىلار بەتپەردەلەرمەن قامتاماسىز ەتىلەدى، سونداي-اق ازىق-ت ۇلىك سەبەتى تۇرىندە كومەك كورسەتىلەدى. ۋكرايندىق  «دوۆيرا» ەمب ەرەسەكتەر مەن بالالارعا ارنالعان بەيىمدەۋ ورتالىعىنا تەلەديدار، جەمىس-جيدەكتەر، تاتتىلەر تاپسىردى جانە قوناقتاردى بەتپەردەمەن قامتاماسىز ەتتى.

16-24 ناۋرىز ارالىعىندا اقمولا وبلىستىق قحا ۆولونتەرلەرى #bizbirgemiz رەسپۋبليكالىق اكتسياسى اياسىندا 4 قايىرىمدىلىق اكتسياسىن ۇيىمداستىرىپ، ۇلى وتان سوعىسى ارداگەرلەرىنىڭ ۇيلەرىنە جالپى سوماسى 240 مىڭ تەڭگەگە انتيسەپتيكا قۇرالدارىن، ماسكالار، ءدارى-دارمەك جانە ازىق-ت ۇلىكتەر جەتكىزىپ بەردى.

اتىراۋ جانە قاراعاندى وبلىسىندا قحا جاستارى مەن انالار كەڭەسى ء«بىز بىرگەمىز» قايىرىمدىلىق اكتسياسىن جالعاستىردى.

شىمكەنت قالالىق قحا-نىڭ ۇيلەستىرۋىمەن جانە ەتنومادەني بىرلەستىكتەردىڭ كۇش-جىگەرىمەن جەرگىلىكتى كاسىپكەرلەرمەن بىرلەسىپ ا.ج. 20-26 ناۋرىز ارالىعىندا قوعامدىق ورىنداردا، ساياباق ايماقتارىندا جانە قوعامدىق كولىكتە 9 مىڭنان استام مەديتسينالىق بەتپەردەلەر تاراتىلدى.

شىمكەنت قالاسى ەڭبەكشى اۋدانىنىڭ وزبەك ەتنومادەني بىرلەستىگىنىڭ مۇشەلەرى 1200 دانا سابىن، ىلعالدى سۋلىقتار، انتيسەپتيكتەر، قالاعا كىرۋ كەزىندە بلوك-بەكەتتە كەزەكتە تۇرعان ازاماتتارعا مەديتسينالىق قولعاپتاردى تەگىن ۇلەستىرۋدى ۇيىمداستىردى. وسى باعىتتاعى جۇمىستاردى ۇيىمداستىرۋ كەزىندە قالالىق وزبەك، تۇرىك، كورەي ەتنومادەني بىرلەستىكتەرىنىڭ مۇشەلەرى بەلسەندىلىك پەن جوعارى ازاماتتىق جاۋاپكەرشىلىك كورسەتتى.

كوروناۆيرۋس  ىندەتى ەل ازاماتتارىنىڭ پاندەمياعا قارسى تۇرۋداعى بىرلىگى مەن ۇيىمشىلدىعىن كورسەتتى.

بۇگىنگى تاڭدا ىندەتتىڭ تارالۋىنا بارشا جۇرت جۇمىلا اتسالىسۋدا، ءوزىمىزدىڭ جانە جاقىندارىمىزدىڭ ءومىرى مەن دەنساۋلىعى ءبىزدىڭ ءوز قولىمىزدا. جالپى ناتيجە ارقايسىمىزعا بايلانىستى، سوندىقتان #bizbirgemiz اكتسياسى جالعاسۋدا.

سوڭعى جاڭالىقتار

ۇقساس جاڭالىقتار