جوعارىداعى جاعىمدى جاڭالىق جايلى رف عا ۆيتسە پرەزيدەنتى, اكادەميانىڭ بيولوگيا جانە مەديتسينا ءبولىمىنىڭ مەڭگەرۋشىسى ۆلاديمير چەحونين ريا اقپارات اگەنتىگىنە بەرگەن سۇحباتىندا, بۇل ىسپەن اۋەلى نوۆوسيبيرسك وبلىسى اۋماعىندا ورنالاسقان «ۆەكتور» ۆاكتسينا جاساۋ ورتالىعى اينالىسىپ جاتقانىن, مۇنداعى يننوۆاتسيالىق جاڭالىقتى لومونوسوۆ اتىنداعى ماسكەۋ ۋنيۆەرسيتەتىنىڭ عالىمى, اتاقتى بيولوگ ميحايل كيرپيچنيكوۆ باسقارىپ وتىرعانىن ايتىپتى.
سونىمەن قاتار, COVID-19-عا قارسى تۇراتىن ەكىنشى ءدارىنى شەمياكين جانە وۆچيننيكوۆ اتىنداعى بيوورگانيكا حيميا زەرتتەۋ ورتالىعىنىڭ ماماندارى الەكساندر گابيبوۆتىڭ جەتەكشىلىگىمەن زاماناۋي تەحنولوگيانى پايدالانىپ جاساپ جاتىر ەكەن.
ءۇشىنشى توپتى ۆاكتسينا جاساۋ مامانى, تانىمال پروفەسسور كوزلوۆ باسقارۋدا كورىنەدى. «بۇلار جاڭا پوليۆالەنت ۆاكتسيناسىن ۆاۆيلوۆ اتىنداعى گەنەتيكالىق زەرتتەۋ ورتالاعىندا جاساپ جاتىر. جالپى جۇقپالى ىندەتتى اۋىزدىقتاۋ ماسەلەسىندە رەسەيلىك ماماندار بارلىق كۇش جىگەرىن جۇمىلدىرۋدا» دەيدى رەسەي عىلىم اكادەميانىڭ ۆيتسە-پرەزيدەنتى.
