ەلدىڭ دەنساۋلىق مينيسترلىگى: - ماسكالاردىڭ ساپا دەڭگەيى حالىقارالىق ستاندارتقا ساي ەمەس, - دەگەن ءپاتۋا شىعارسا, دارىگەر-ماماندار, اتالمىش قۇرال ءتىپتى قانداي ءبىر قاراپايىم ۆيرۋستى ءسۇزىپ الاتىنداي قاۋقارى جوق دەگەندى ايتادى.
قازىرگى تاڭدا نيدەرلاند ەلىندە 9 762 ادام دەرت جۇقتىرسا, وسىنىڭ 639-ى باقيعا اتتانعان. قازىر ەل كولەمىندە كارانتين توقتاتىلىپ, ءجۇرىس-تۇرىس تيىلعان. بارلىق قىزمەت كورسەتۋ ورىندارى, مەكتەپتەر جابىق.
وتكەن اپتادا يسپانيا ەلىندە دە وسىنداي شۋ شىقتى. ياعني, ۆيرۋس انىقتاۋ ماقساتىندا قىتايدان ساتىپ العان سىناما-قۇرالدىڭ بار بولعانى 30 پايىزى عانا دۇرىس ىستەگەن. سول سياقتى چەحيا دا اسپاناستى ەلىنەن ساتىپ العان 200 مىڭ سىنامانىڭ 80 پايىزى قاتەلىك جىبەرگەنىن ايتىپ دابىل قاعۋدا.
ءبىزدىڭ ايتپاعىمىز: ەلىمىز كوروناۆيرۋس انىقتايتىن سىناما قۇرالدارىن كورشىمىزدەن العان بولسا, جاعىداي ءماز ەمەس دەگەن ءسوز.
