ايماقتار • 30 ناۋرىز، 2020

الماتى وبلىسى: قاۋىپسىزدىك شاراسى كۇشەيدى

277 رەتكورسەتىلدى

الماتى وبلىسىنىڭ اۋماعىندا كورونوۆيرۋس ينفەكتسياسى 7 ادامنان تابىلدى. ال جۇقپالى ىندەت تارالۋىنىڭ الدىن الۋ جۇمىسى كۇشەيدى. ەرتەڭنەن باستاپ وڭىردەگى ازىق-ت ۇلىك دۇكەندەرىنەن باسقا بارلىق قوعامدىق ورىنداردىڭ جۇمىسى توقتاتىلادى.

- وبلىس اكىمدىگى كوروناۆيرۋس ىندەتىمەن كۇرەستە قوسىمشا قاۋىپسىزدىك شارالارىن ەنگىزدىبارلىق ساۋدا ورىندارى، بازارلار، كوشە ساۋداسىنىڭ جۇمىسىنا دا تىيىم سالىنادى. ەرتەڭنەن باستاپ ولار جۇمىس ىستەمەيدى. ال ارەندا ماسەلەسىنە كەلەتىن بولساق، اكىمدىك جۇمىس جۇرگىزدى. قوجايىندارى ارنايى جەڭىلدىكتەر قاراستىرۋى مۇمكىن. بۇل ماسەلە شەشىلەدى. سونداي-اق، كولىك جوندەۋمەن اينالىساتىن ورىنداردىڭ دا جۇمىسى توقتادى. ەندى ءدامحانالار تەك ساتىپ الۋشىعا تاپسىرىسىن جەتكىزۋمەن اينالىساتىن بولادى، - دەدى جۋرناليستەرمەن وتكەن بريفينگتە الماتى وبلىسى اكىمىنىڭ ورىنباسارى باتىرجان بايجۇمانوۆ.

شەكتەۋ شاراسى الماتى وبلىسىنىڭ باس سانيتار دارىگەرىنىڭ قاۋلىسىنا سايكەس 31 ناۋرىز، ساعات 00:00-دەن باستاپ كۇشىنە ەنەدى. ياعني، ەندى وبلىستا جارمەڭكەلەر وتكىزىلمەيدى، ازىق-ت ۇلىك ساتپايتىن ساۋدا ورتالىقتارىنىڭ، بيزنەس-ورتالىقتاردىڭ، ينتەرنەت جانە كومپيۋتەرلىك كلۋبتاردىڭ، ويىن مەكەمەلەرىنىڭ، بازارلاردىڭ، قوعامدىق تاماقتانۋ ورىندارىنىڭ، ءدىني ماڭىزداعى نىسانداردىڭ، مەنشىك نىسانىنا قاراماستان مەكتەپكە دەيىنگى مەكەمەلەردىڭ جۇمىسى ۋاقىتشا توقتايدى.

-جاسى 65-تەن اسقان ازاماتتاردىڭ كوشەدە جۇرۋىنە شەكتەۋ قويىلىپ، ولارعا قاجەتتى ازىق-ت ۇلىك پەن مەديكامەنتتەردى ۇيلەرىنە جەتكىزىپ بەرۋ قامتاماسىز ەتىلەدى. كامەلەتتىك جاسقا تولماعاندار دا اتا-اناسىنسىز ءوز بەتىمەن سىرتتا جۇرە المايدى. ساياباق، سكۆەر، ورتالىق الاڭ سياقتى حالىق كوپ جينالاتىن ورىندارعا بارۋعا بولمايدى، ول جەرلەردە پوليتسيا بەكەتتەرى ورناتىلادى، - دەدى وبلىس اكىمىنىڭ ورىنباسارى باتىرجان بايجۇمانوۆ.

سوڭعى جاڭالىقتار

ۇقساس جاڭالىقتار