ايماقتار • 30 ناۋرىز، 2020

قىزىلوردا: ءبالىش اراسىنان ەسىرتكى تابىلدى

112 رەتكورسەتىلدى

سوتتى بولىپ، تۇرمەدە جازاسىن وتەپ جاتسا دا ەسىرتكى شەككىسى كەلگەندەر ءتۇرلى قۇيتىرقىلىققا باراتىنى بەلگىلى عوي. سونداي جاعدايدىڭ ءبىرى قىزىلوردا قالاسىنداعى زك-169/5 مەكەمەسىندە بولدى. بۇل تۋرالى وبلىستىق قاجد ءباسپاسوز قىزمەتى حابارلايدى.

وسى مەكەمەدە جازاسىن وتەۋشىگە تانىسى اكەلگەن سالەم-ساۋقات العاشقىدا ەشقانداي سەكەم تۋدىرماپتى. بىراق، بەلگىلەنگەن تارتىپكە وراي ونى ارنايى ورناتىلعان رەنتگەن اپپاراتىمەن تەكسەرگەندە  ءبالىش اراسىنان ەرەكشە وتكىر ءيىستى ءشوپ شىققان.

بۇل وقيعا جايلى جەدەل تۇردە 102 نومىرىنە حابارلانىپ، قىزىلوردا قالالىق پوليتسيا باسقارماسىنىڭ جەدەل-تەرگەۋ توبى شاقىرىلدى.

سوت-حيميالىق ساراپتاما قورىتىندىسى كۇدىكتى «سالەمدەمەنىڭ» 30،25 گرامم كەپتىرىلگەن ماريحۋانا ەكەندىگىن انىقتاپ بەردى.

قازىر وسى دەرەك بويىنشا قر قك-ءنىڭ 297 بابىنىڭ 1-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە.

سوڭعى جاڭالىقتار

ۇقساس جاڭالىقتار